Laverne Cox
From Wikipedia, the free encyclopedia
Remove ads
Laverne Cox (29 de mayu de 1972, Mobile) ye una actriz d'Estaos Xuníos estrella de reality shows, productora de televisión, y defensora de los derechos de la comunidá LGBT.[2][3][4] Ye más conocida pol so papel como Sophia Burset na serie de Netflix Orange Is the New Black, pola que se convirtió na primer persona abiertamente transexual nomada a un Emmy na categoría d'actriz, y la primera en ser nomada a un Emmy dende la nominación de la compositora Angela Morley en 1990.[5][6]
Tamién ye conocida pola so apaición como concursante nel programa de VH1 I Want to Work for Diddy, y por producir y copresentar el programa sobre cambéu d'imaxe TRANSform Me, tamién de VH1. N'abril de 2014, Cox foi gallardoniada col premiu GLAAD pol so trabayu como defensora de los derechos de la comunidá transexual.[7] El 9 de xunu de 2014, Cox convirtióse na primer persona abiertamente transexual n'apaecer na portada de la revista Time.[8][9]
Remove ads
Primeros años
Cox nació en Mobile, Alabama el 29 de mayu de 1972 y tien un hermanu ximielgu, M. Lamar, quien actúa como Sophia enantes de la operación de cambéu de sexu (col nome de Marcus) en Orange Is the New Black.[10][11][12] Cox almitió nuna entrevista qu'intentó suicidase a los 11 años, cuando se dio cuenta de que desenvolviera sentimientos polos sos compañeros de clas varones y sufriera bullying por nun actuar "de la forma na que daquién que fuera asignáu home al nacer tendría de portase."[13][14] Graduóse na Alabama School of Fine Arts en Birmingham, Alabama onde s'especializó en danza[15] y nel Marymount Manhattan College en Nueva York, onde camudó la danza pola actuación.[11][16]
Remove ads
Carrera artística
Cox ye mayormente conocida pol so papel en Orange Is the New Black como Sophia Burset, una muyer transexual unviada a prisión por un fraude de tarxetes de creitu. Primeramente apaeció como concursante en I Want to Work for Diddy, y produxo y co-presentó'l reality de VH1 TRANSform Me, lo que la convirtió na primer persona transexual afro-americana en producir y protagonizar el so propiu programa de televisión.[17][18] Dambos programes foron nomaos a los premios GLAAD como reality shows destacaos. Tamién apaeció en delles series de televisión qu'inclúin títulos como Law & Order, Bored to Death, y Musical Chairs.
Arriendes de trabayar como actriz, da charres y escribe artículos sobre los derechos de la comunidá LGTB y otros asuntos actuales en distintos medios, como'l Huffington Post.[18] El so papel en Orange Is the New Black dóta-y d'una plataforma na que pue falar sobre los derechos de la comunidá transexual. Nuna entrevista, Cox dicía "Sophia ye un personaxe multi-dimensional col que la xente realmente pue empatizar—de secute, tán empatizando con una persona transexual real. Y pa la xente transexual ende fora, que precisen ver representación mediática de xente como ellos y de les sos esperiencies, ye ende cuando se convierte en daqué realmente importante."[19]
Cox apaeció na portada de la revista Time del 9 de xunu de 2014, y foi entrevistada pal artículu "The Transgender Tipping Point" por Katy Steinmetz, qu'apaeció nel mesmu exemplar y que'l so títulu apaecía tamién na portada; esto convirtió a Laverne Cox na primer persona transexual n'apaecer na portada de “Time”.[8][20][21]
Más tarde esi mesmu añu, Cox convirtióse na primer persona transexual en ser nomada a un Emmy na categoría: Meyor Actriz Secundaria nuna Serie de Comedia pol so papel como Sophia Burset en Orange Is the New Black.[22][23][24]
Tamién en 2014, Cox apaeció nel videuclip del cantar de John Legend "You & I (Nobody In The World)".[25]
El 17 d'ochobre de 2014, estrenar en MTV y Logo el documental Laverne Cox Presents: The T Word, d'una hora de duración, producíu y narráu pola mesma Cox.[26]
Remove ads
Premios
- En 2013, Cox recibió'l premiu d'honor Anti-Violence Project 2013 Courage Award y na entrevista que fizo pa YouTube, dicía, "Wikipedia diz que soi una activista, pero yo prefiero'l términu defensora de les persones transexuales'"[27]
- En payares de 2013, Cox recibió'l Reader's Choice Award na gala de Out Magacín, que recoyía la selección de les “100 persones más irresistibles del añu."[28]
- Tamién en 2014, Cox foi incluyida nel Root 100; una llista que reconoz a los “destacaos líderes, innovadores y forxadores de cultura negros” de 45 o menor edá.[31]
- Tamién en 2014, Cox llogró'l primer puestu na llista del periódicu británicu The Guardian World Pride Power List, na qu'apaecen les persones más influyentes pertenecientes a la comunidá LGTB.[32]
- Tamién en 2014, Cox recibió'l Stephen F. Kolzak Award de GLAAD.[33]
Filmografía
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads