Leo White

Leo White (10 de payares de 1882, Grudziądz – 20 de setiembre de 1948, Glendale) foi un actor recordáu güei, principalmente, por participar en munchos de los curtios de Charles Chaplin.

Leo White
Vida
Nacimientu	Grudziądz, 10 de payares de 1882[1]
Nacionalidá	Estaos Xuníos Imperiu alemán
Muerte	Glendale, 20 de setiembre de 1948[2] (65 años)
Familia
Casáu con	Blanche White (en)
Estudios
Llingües falaes	inglés[3]
Oficiu
Oficiu	guionista, actor de cine, direutor de cine, actor, realizador
IMDb	nm0925118

Biografía

Empezó la so carrera en 1911, y en 1913 foi ficháu por Essanay Studios. En 1915 empezó a apaecer nes comedies de Chaplin, a quien acompañó na so carrera na Mutual.

White tamién fixo trabayu d'actuación y direición en Triple Trouble (1918), la última película de Chaplin con Essanay, a pesar de que nun participara na so producción.^[4] Esto debió a que, dos años dempués de que Chaplin abandonara Essanay, la compañía decidió montar una película con grabaciones que teníen de Charlot, complementaes con otres escenes rodaes por Leo White.

Los primeros papeles que White desempeñaba fueron los de villanu, noble o borrachu, lo cual -y encasilló pal restu de la so carrera. Sicasí, esto nun-y torgó haber apaecíu enantes de la so muerte, asocedida en 1948, en más de 400 películes.

La so última apaición con Chaplin foi nun pequeñu papel que tuvo en The Great Dictator, rodada en 1940.

Ben Turpin, Chaplin y Leo White nun fotograma de la película de 1915 A Night Out.

Cartelu de la película de 1915 A Jitney Elopement: Lloyd Bacon, Ernest Van Pelt, Chaplin y Leo White.