Lexema

El lexema o raigañu ye un elementu del léxicu con significáu referencial, esto ye, apurre a la pallabra una idea comprensible pa los falantes. Esto estrema a los lexemes de los gramemas, que son componentes gramaticales que nun tienen un significáu por sí mesmos, sinón que son interpretables como elementos rellacionales, que modifiquen o complementen oldeando la significación de la frase (esto ye, la so presencia o ausencia apurre dalgún matiz, pero en sí mesmos esos elementos nun tienen una referencia extralingüística clara).

Lexema
palabra o frase (es) , unidá llingüística y emic unit (en)

El lexema ye la parte fundamental d'una pallabra, tien significáu léxicu definíu por conceutos y entidaes tanto reales como imaxinaries que se recueyen nel diccionariu, qu'esplica a qué se refieren diches raigaños.^[1] N'ocasiones el raigañu constitúi la pallabra entera, pero n'otres apaez dalgún morfema más.