Macrobiu

Macrobio, escritor y gramáticu romanu, del postreru cuartu del s. IV d. C., de que los sos datos biográficos pocu conocer con certidume.

Macrobiu
prefecto del pretorio (es)
Vida
Nacimientu	África romana (es) y Roma[1], circa 370
Nacionalidá	Antigua Roma
Muerte	430 (59/60 años)
Familia
Fíos/es	Macrobius Plotinus Eustathius (es)
Estudios
Llingües falaes	llatín[2]
Oficiu
Oficiu	filósofu, escritor, funcionariu, teóricu de la música, filólogu, poeta
Trabayos destacaos	Saturnales (es)
Movimientu	neoplatonismo (es)

Vida y cronoloxía

Denominación

El nome que consta en llatín nos manuscritos más antiguos del Comentariu al Suañu de Escipión de Cicerón ye'l de Macrobius Ambrosius Theodosius, sicasí esiste una variación tantu nel orde de los trés nomes como na vixencia de los mesmos, yá que dacuando omítese Ambrosius, otres Theodosius, ya inclusive dambos, aludiéndose a cencielles a Macrobius.

Per otra parte, pa nomar a una persona nel Baxu Imperiu yera costume citar el postreru de los sos nomes, colo qu'esiste de la mesma una elevada probabilidá de que se-y nomara como Theodosius.

Sía como fora, dende la Edá Media conózse-y como Macrobius o Macrobio, salvo dalguna pequeña esceición na que se-y noma como Macrobius Theodosius.

A partir de lo espuesto, predomina l'ausencia de certidume sobre la evidencia.

Orixe

Tampoco ye certeru'l so llugar de nacencia, esponiéndose de nuevu ante la dulda'l recursu a la hipótesis. L'únicu datu fidedignu, acotáu pol mesmu Macrobio, ye que nun ye de procedencia latinoparlante, colo que Italia queda refugada. Grecia tampoco ye referente dada la mayor familiaridá cola lliteratura llatina y la preferencia de citar a los autores griegos en Llatín. Lo más plausible ye que venga de dalguna de les provincies más llatinizaes del Imperiu romanu: África, Sur d'Italia, Hispania o Exiptu.

Atribúyese-y el doble títulu de vir clarissimus et inlustris,^[3] esto ye, yera de rangu senatorial y aportara a les más altes funciones del Estáu.

Cronoloxía

Finalmente tampoco ye posible concretar una fecha fidedigna tanto al respective del so nacencia como a la composición de los sos trés obres.

Embaráxense dos hipótesis, de les cualos, la segunda, la más tardida, tien visos de mayor probabilidá:

1. Nacencia: 350-360, ellaboración del Comentariu y de les Saturnales: 384-395, y del Tratáu Gramatical: 395-400.
2. Nacencia: 385-390, ellaboración del Tratáu Gramatical: 420-425, y del Comentariu y de los Saturnales: 430-440.

Obra

Macrobio ye autor de trés obres:

Saturnalia o Saturnales

Un simposio lliterariu incompletu en siete llibros, onde teniendo como contestu les fiestes saturnales dellos senadores dialoguen col gramáticu Servio sobre temática antigua, con especial énfasis en Virxiliu.

Commentarii in Somnium Scipionis o Comentariu al Suañu de Escipión de Cicerón

Obra que sí nos llegó intacta y qu'amás dexó recuperar un fragmentu de la obra De república de Cicerón, conocida gracies a Macrobio.

De differentiis et societatibus Graeci Latinique verbi o Sobre les diferencies y semeyances del griegu y del llatín

Un tratáu gramatical perdíu, onde se compara'l verbu griegu col llatín.

Ver tamién

• Saturnales
• Comentariu al Suañu de Escipión
• Cicerón