Marlena Shaw

Marlena Shaw (nome de nacencia: Marlina Burgess; 22 de setiembre de 1942, New Rochelle ^(es)  – 19 de xineru de 2024) foi una cantante de jazz, blues y soul d'Estaos Xuníos. Empezó la so carrera musical nos años 1960 y siguió actuando hasta'l so fallecimientu'l 19 de xineru de 2024, a los 81 años d'edá. La so música foi usada davezu como samples en cantares de hip hop y utilizada n'anuncios televisivos. Una de les sos canciones más populares ye "California Soul", que foi espublizada en 1969.

Marlena Shaw
Vida
Nacimientu	New Rochelle (es) [1], 22 de setiembre de 1942
Nacionalidá	Estaos Xuníos
Muerte	19 de xineru de 2024[2] (81 años)
Estudios
Llingües falaes	inglés
Oficiu
Oficiu	cantante, música de jazz
Influyencies	Nueva York
Xéneru artísticu	soul
Instrumentu musical	voz
Discográfica	Blue Note Cadet Records (es) Columbia Records Concord Records
IMDb	nm0789862

Biografía

Marlena Shaw nació en New Rochelle (Nueva York). Averose a la música gracies al so tíu Jimmy Burgess, un trompetista de jazz. En 1952, Burgess llevóla al escenariu del Apollo Theater en Harlem pa cantar cola so banda, pese a que la ma de Shaw nun quería que Marlena saliera de xira col so tíu a tan temprana edá. Shaw matriculóse nel Colexu Estatal de Maestros de Nueva York en Potsdam (agora conocíu como la Universidá Estatal de Nueva York en Potsdam) pa estudiar música, pero más tarde abandonó'l programa.

La carrera de Shaw despegó en 1966 cuando consiguió un trabayu cola cadena Playboy Club en Chicago. Foi a través d'esti trabayu que conoció a representantes del sellu discográficu Chess Records, y pronto firmó con ellos. Llanzó los sos dos primeros álbumes na so filial Cadet Records. En 1972, movióse a Blue Note Records, un sellu discográficu orientáu al jazz.

Discografía

• 1967: Out of Different Bags
• 1969: The Spice of Life
• 1972: Marlena
• 1973: From the Depths of My Soul
• 1974: Marlena Shaw Live at Montreux
• 1975: Who Is This Bitch, Anyway?
• 1976: Just a Matter of Time
• 1977: Sweet Beginnings
• 1978: Acting Up
• 1979: Take a Bite
• 1982: Let Me in Your Life
• 1987: It Is Love (Recorded Live at Vine St.)
• 1988: Love Is in Flight
• 1996: Dangerous
• 1997: Elemental Soul
• 2002: Live in Tokyo
• 2004: Lookin' for Love