Marta Macho Stadler
matemática y divulgadora científica española From Wikipedia, the free encyclopedia
Remove ads
Marta Macho Stadler (9 de setiembre de 1962, Bilbao) ye una matemática y divulgadora científica española. Ye profesora de Xeometría y Topoloxía na Universidá del País Vascu y especialista en Teoría Xeométrica de Foliaciones y Xeometría non conmutativa. Ye tamién editora del espaciu dixital Muyeres con Ciencia de la Cátedra de Cultura Científica pol que recibió dellos premios, ente ellos el Premiu Emakunde d'Igualdá 2016.
Remove ads
Trayeutoria
Llicencióse en Matemátiques pola Universidá del País Vascu en 1985 y foi contratada como profesora collaboradora nel Departamentu de Matemátiques d'esa mesma universidá. En 1987 empezó a trabayar col Dr. Gilbert Hector de la Université Claude Bernard de Lyon ellí doctoróse en 1996 cola tesis 'Isomorphisme de Thom pour les feuilletages presque sans holonomie' (Isomorfismu de Thom pa les foliaciones casi ensin holonomia). Na actualidá ye Profesora Amestada de Xeometría y Topoloxía de la UPV/EHU. Ente les sos temes d'investigación atopa la Teoría xeométrica de foliaciones.
Imparte docencia en Topoloxía y Ampliación de Topoloxía n'el Grau de Matemátiques (tercer y cuartu cursu) na Facultá de Ciencia y Teunoloxía de la UPV/EHU. Tamién imparte un cursu de Topoloxía Alxebraica nel Máster Universitariu en Modelización ya Investigación Matemática, Estadística y Computación (MATG6) y l'asignatura optativa Les Matemátiques na vida cotidiana: sociedá y cultura nes Aules de la Esperiencia de Bizkaia de la UPV/EHU.[3]
Divulgación científica
Les sos actividaes de divulgación empezaron en 1999, cuando collaboró na organización d'un ciclu de conferencies tituláu Un Paséu pola xeometría, actividá que llevó a cabu mientres diez cursos académicos. Mientres la so trayeutoria como divulgadora científica destaca'l trabayu pa faer visible'l papel de les muyeres nel mundu científicu.[4]
Foi miembru de la Comisión de Muyeres de la Real Sociedá Matemática Española (RSME) y participa en diversos espacios sociales pa potenciar la conexón ente la ciencia y la sociedá civil.
Unu de les temes que centren el so llabor de divulgación científica ye la presencia de les matemátiques na lliteratura lo que lu llevó a estudiar el conteníu científico y la estructura matemática de testos na novela, el tebéu, la poesía y les pieces teatrales.[5] Ye la responsable de les seiciones de Lliteratura y Matemátiques y de Teatru y Matemátiques nel portal DivulgaMAT de la RSME. Participa dende va años en diverses actividaes en centros culturales o d'enseñanza, intentando llegar tanto a estudiantes como al públicu polo xeneral y collabora en distintos blogues, como: ZTFNews.org (Facultá de Ciencia y Teunoloxía, UPV/EHU) y Cuadiernu de Cultura Científica (Cátedra de Cultura Científica, UPV/EHU). Tamién coordina'l ciclu Elles faen ciencia qu'acueye cada añu la biblioteca Bidebarrieta de Bilbao.
Dende 2010 forma parte de la Comisión pa la Igualdá de la Facultá de Ciencia y Teunoloxía de la Universidá del País Vascu, y dende 2015 ye miembru del Conseyu de Cooperación de la mesma universidá. Per otru llau dende 2011 ye miembru de l'Asociación de Muyeres Investigadores y Tecnólogues.[3]
Dende la so creación el 8 de mayu de 2014 ye editora y impulsora del espaciu dixital Muyeres con ciencia de la Cátedra de Cultura Científica de la Universidá del País Vascu dedicáu al espardimientu del papel de les muyeres na ciencia y a la visibilidá de los sos trabayos tantu de les pioneres como de les científiques actuales amás de los aspeutos tresversales a la ciencia y los sesgos de xéneru na ciencia.[6]
En 2015 recibió'l Premiu Igualdá de la Universidá d'Alicante pol so trabayu divulgativu y aiciones a favor de la visibilización de les aportaciones de les muyeres científiques nel progresu social.[7] Y la medaya de la Real Sociedá Matemática Española, pol so llabor de divulgación de les matemátiques, pol so compromisu cola igualdá y por tender pontes ente los profesores de matemátiques de distintos niveles educativos.
En payares de 2016 dióse-y el Premiu Emakunde a la Igualdá en reconocencia a la so trayeutoria a sopelexar y promover la conocencia científica ente les muyeres aplicando la perspeutiva de xéneru amás de reconocer la so participación en comisiones científiques y académiques pa promover la igualdá de muyeres y homes na universidá. El premiu tien una dotación bruta de 14.400 euros que lu destinará na so totalidá a muyeres abellugaes y víctimes de la violencia de xéneru que tán estudiando na UPV/EHU.[8]
Ye coautora de Muyeres na Ciencia, una guía didáctica sobre'l papel de les muyeres na historia de la ciencia.[9]
Remove ads
Premios y reconocencies
- 2015 Premiu Igualdá de la Universidá d'Alicante.[4]
- 2015 Medaya de la Real Sociedá Matemática Española.[10]
- 2016 Premiu Emakunde a la Igualdá.[11][12][13]
- 2019 Pernomáu de Bilbao, pol so llabor como divulgadora científica y por visibilizar el papel de les muyeres na ciencia.[14]
- 2021 Finalista na VII Edición del Premiu Avanzadoras 20Minutos ya Intermón Oxfam.[15]
- 2023 Premiu Fundación Lilly de Divulgación Científica.[16]
- 2023 Premiu Muyeres Científiques, dau pola revista Muy Interesante.[17]
Remove ads
Publicaciones
- Topoloxía xeneral (2002) Universidá del País Vascu
- Muyeres na Ciencia. Guía didáctica sobre'l papel de la muyer na historia de la Ciencia (2011). Coautora. Universidá del País Vascu.[9]
Referencies
Enllaces esternos
Wikiwand - on
Seamless Wikipedia browsing. On steroids.
Remove ads