Marvin Harris

Marvin Harris (18 d'agostu de 1927, Brooklyn – 25 d'ochobre de 2001, Gainesville) foi un antropólogu de los Estaos Xuníos reconocíu poles sos obres de divulgación d'esta disciplina. Profesor del departamentu d'antropoloxía de la Universidá de Columbia, en 1981 treslladóse a la Universidá de Florida.

Marvin Harris
Vida
Nacimientu	Brooklyn, 18 d'agostu de 1927[1]
Nacionalidá	Estaos Xuníos [2]
Muerte	Gainesville, 25 d'ochobre de 2001[1] (74 años)
Estudios
Estudios	Universidá de Columbia
Llingües falaes	inglés[1]
Oficiu
Oficiu	antropólogu, profesor universitariu, sociólogu, filósofu
Emplegadores	Universidá de Florida Universidá de Columbia

Maltratáu y siempres en conflictu con otros antropólogos pola so teoría, que bautizó como materialismu cultural. Ente les sos virtúes, la falta de mieos y l'ansia renovadora d'una ciencia que quedaba estancada nes teoríes de Levi Strauss. Ente los sos defectos, la ocasional falta de rigor.

Tuvo una gran influencia nel desarrollu del materialismu cultural. Nel so trabayu sofitóse en gran midida nes teoríes de Thomas Malthus y Karl Marx, combinando les idees de Malthus sobre la influencia del crecimientu de la población na formación d'instituciones sociales coles de Marx no tocante al efeutu de los medios de producción nel mesmu sentíu. A lo llargo de la so vida, Harris tuvo partidarios decidíos y críticos despiadaos. La so llectura, en tou casu, resulta obligada pa entender l'antropoloxía de finales del sieglu XX.