Maxie Rosenbloom

Max Everitt Rosenbloom, conocíu pol llamatu de Slapsie Maxie (1 de payares de 1907, Nueva York y condáu de New London – 6 de marzu de 1976, South Pasadena ^(en) ) foi un boxeador, actor y presentador televisivu d'Estaos Xuníos.

Maxie Rosenbloom
Vida
Nacimientu	Nueva York y condáu de New London[1], 1 de payares de 1907[2]
Nacionalidá	Estaos Xuníos
Llingua materna	inglés
Muerte	South Pasadena (en) [3], 6 de marzu de 1976[2] (68 años)
Sepultura	Valhalla Memorial Park Cemetery (en)
Estudios
Llingües falaes	inglés
Oficiu
Oficiu	boxeador, actor, actor de televisión, actor de cine
Altor	180 cm
IMDb	nm0742438

Vida y carrera

Nacíu en Leonard's Bridge, Connecticut, Rosenbloom foi moteyáu "Slapsie Maxie" por un periodista por el so estilu de boxear col guante abiertu.^[4] En 1930, ganó'l títulu de pesu mediopesado de Nueva York, y en 1932 el Campeonatu del Mundu de pesu mediopesado, títulu que defendió y caltuvo hasta payares de 1934, cuando lo perdió ante Bob Olin. Como boxeador profesional, Rosenbloom dependía davezu de los puntos, y nos sos combates sufrió miles de golpes na cabeza, lo cual finalmente causó-y un deterioru de les sos funciones motores.

En 1937 aceptó un papel nun filme de Hollywood, convirtiéndose nun actor de calter, interpretando a cómicos "grandes tipos" en películes como Each Dawn I Die. En retirándose del boxéu en 1939, dirixó dellos nightclubs en San Francisco (California) y Los Angeles, y siguió actuando na radio, la televisión, y en distintes películes. Na radio trabayó en dellos episodios del Show de Fred Allen interpretándose a sigo mesmu, faciendo inclusive un númberu con Marlene Dietrich. Rosenbloom fixo un importante papel televisivu nel drama Requiem for a Heavyweight, escritu por Rod Serling, y protagonizáu por Jack Palance nel papel d'un boxeador a la fin de la so carrera.

Fallecimientu

Maxie Rosenbloom finó por causa d'una Enfermedá de Paget en 1976 en South Pasadena, California. Tenía 68 años d'edá.^[5] Foi soterráu nel Campusantu Valhalla Memorial Park de North Hollywood, Los Angeles.

Rosenbloom foi aceptáu nos siguientes Salones de la Fama:

• Salón de la Fama Ring Boxing, en 1972.
• Salón de la Fama International Jewish Sports, en 1984.^[6] En 1929 lluchara contra otros cuatro boxeadores xudíos nuna velada benéfica llevada a cabu nel Madison Square Garden pa consiguir fondos p'ayudar a Palestina.
• Salón Mundial de la Fama del Boxéu, en 1985.
• Salón Internacional de la Fama del Boxéu, en 1993. Archiváu 2013-01-31 en archive.today