Melaza

La melaza ye un productu líquidu daqué trupu que remanez de la caña de zucre y en menor midida de la remolacha del zucre. El so aspeutu dase un aldu al de la miel magar que de color parduzu mui escuru, cásique prietu. El tastu ye duce, llixeramente asemeyáu al de la regaliza.

Melaza
Nome	Melaza
[editar datos en Wikidata]

Nutricionalmente tien un altísimu conteníu en zucres ya hidratos de carbonu arriendes de vitamines del grupu B y abondo minerales, ente los que hai de solliñar el fierro, cobre y magnesiu. El so conteníu d'agua ye baxu.

Ellaboración

Pa la ellaboración de la melaza de caña, atracúñense per duana de rodiellos les cañes tayaes, sacando el líquidu duce que caltienen nel so interior. Esti zusmiu cuézse selemente faciendo que merme per aciu de la evaporación de l'agua, hasta algamar la densidá y concentración deseyaes. Nesti procesu, concéntrense na superficie un gran númberu d'impureces o borra, y que hai de separtar.

Utilización

Emplégase como suplementu enerxéticu pa la alimentación de rumiantes pol so altu conteníu en zucres y el so baxu costu en dalgunes rexones. Sicasí, una parte pequeña destínase al consumu humanu, emplegándola como enduzante culinariu.