Miguel Paz Barahona

Miguel Paz Barahona (4 de setiembre de 1863, San Nicolás – 11 de payares de 1937, San Pedro Sula) foi un médicu ciruxanu y políticu honduranu, trentenu sestu Presidente de la república d'Hondures nel periodu 1925 a 1929 y presidente del Congresu Nacional ente 1933-1934.

Miguel Paz Barahona
Presidente d'Hondures 1r febreru 1925 - 1r febreru 1929 ← Vicente Tosta Carrasco - Vicente Mejía Colindres →
Vida
Nacimientu	San Nicolás, 4 de setiembre de 1863
Nacionalidá	Hondures
Muerte	San Pedro Sula, 11 de payares de 1937 (74 años)
Familia
Familia	ver Luis Bográn (primu hermanu) Francisco Bográn Barahona (primu hermanu)
Estudios
Estudios	Universidá de San Carlos de Guatemala
Oficiu
Oficiu	políticu
Creencies
Partíu políticu	Partíu Nacional d'Honduras

Biografía

Miguel Paz Barahona nació'l 4 de setiembre de 1863 na llocalidá de Pinalejo xurisdicción del conceyu de San Nicolás, departamentu de Santa Bárbara y finó'l 11 de payares de 1937, na ciudá de San Pedro Sula, departamentu de Cortés, Hondures. Fíu del matrimoniu ente Desiderio Paz y la señora Isabel Barahona Leiva. En 1891 casóse con Mariana Leiva Capo, na llocalidá de Santa Cruz de Yojoa.

Familiar

Miguel Paz Barahona yera primu hermanu de los ex-presidentes Luis Bográn y Francisco Bográn Barahona.

La so hermana Mucia Paz Barahona tuvo casada con William Alger.

Estudios y vida política

Paz Barahona, llogró'l títulu en Medicina y ciruxía pola Universidá de San Carlos, na República de Guatemala.

• Foi ministru de Fomentu na alministración presidencial del so primu hermanu Francisco Bográn Barahona (1919-1920)
• Foi presidente d'Hondures dende'l 1 de febreru de 1925 hasta'l 1 de febreru de 1929. Baraona foi miembru del Partíu Nacional d'Hondures (PNH).^[1]

El so gobiernu constitucional

El Partíu Nacional d'Hondures nomó a Paz Barahona como'l so candidatu presidencial en 1924; el so contendente foi'l doctor Policarpo Bonilla del Partíu Lliberal Constitucional, mientres l'otru partíu políticu mayoritariu, el Partíu Lliberal d'Hondures (PLH), refugó nomar un candidatu oficial en tales eleiciones, lo que-y dexó a Barahona ganar la eleición col 99 % de los votos.

N'el so alministración realizó'l "Contratu Alcerro-King" celebráu ente'l so Ministru de Facienda, el doctor Ramón Alcerro Castro y el representante de los tenedores de bonos de Londres Mr. Arthur William King, esti tratáu benefiaba descomanadamente les condiciones del país, con al respective de la delda internacional.^[2]El so gobiernu foi atacáu poles fuercies revolucionaries del Xeneral Gregorio Ferrera, quien foi obligáu a retirase escontra les fronteres hondurano-guatemalianes. Por aciu Decretu Non. 102 de fecha 3 d'abril de 1926 dexa de ser el dólar d'Estaos Xuníos (US$) moneda oficial del país; poro, quedando'l Lempira como moneda oficial de la república d'Hondures, quedando ratificáu mel cambéu de 2 Lps por 1 dólar.^[3] Mientres el so gobiernu en 1928 fundóse la primera radio n'Hondures, Tropical Radio, ocho años dempués de que Estaos Xuníos d'América fundara la so primer radio en Detroit (1920). Barahona, foi asocedíu en 1929 pol Doctor Vicente Mejía Colindres candidatu del Partíu Lliberal d'Hondures (PLH) quien ganó les eleiciones.

Presidente del Poder Llexislativu

Ente los años 1933 a 1934 foi presidente del Congresu Nacional d'Hondures.

Homenaxe póstumu

La escuela Miguel Paz Barahona foi nomada nel so honor.^[4]

D'igual forma esiste una Loxa Masónica que lleva'l so nome pa honralo, la Loxa Miguel Paz Barahona Non. 2 según el barriu Paz Barahona, dambos na ciudá de San Pedro Sula.^[5]

Gabinete de gobiernu

Gabinete de Gobiernu
cargu	Nome	Periodu
Vicepresidente	Presentación Quezada	1925-1929
Secretariu de Gobernación, Xusticia y Sanidá	Juan Manuel Gálvez/Cecilio Colindres Zepeda/José María Casco	1925-1929
Secretariu de Rellaciones Esteriores	Salvador Aguirre/ Fausto Dávila	1925-1929
Secretariu de Guerra, Marina y Aviación	Francisco Martínez Funez/Vicente Tosta Carrasco	1925-1929
Secretariu de Facienda y Creitu Públicu	Ramón Alcerro Castro/Octavio R. Ugarte/Federico Boquín B.	1925–1929
Secretariu d'Instrucción Pública	Antonio C. Rivera/Presentación Centenu	1925–1929
Secretariu de Trabayu, Fomentu y Agricultura	Rafael Díaz Chávez/Ing. Miguel R. Moncada	1925–1929

Ascendencia

Esbozu del árbol xenealóxicu del doctor Miguel Paz Barahona.

Tabla xenealóxica de Miguel Paz Barahona
2. Desiderio Paz 1. Miguel Paz Baraona (1852-1926) 6. Atiliano Barahona 3. Isabel Barahona Leiva[Nota 1] 7. Hilaria Leiva  España

Notes

1. Isabel, yera hermana de Gertrudis Barahona Leiva, madre del presidente Luis Bográn y d'igual forma hermana de Saturnina Barahona Leiva, madre del presidente Francisco Bográn Barahona.