Mississippi Burning
película de 1988 dirixida por Alan Parker From Wikipedia, the free encyclopedia
Remove ads
Mississippi Burning ye una película d'Estaos Xuníos dramática de 1988, dirixida por Alan Parker. Ye protagonizada por Gene Hackman, Willem Dafoe, Frances McDormand, Brad Dourif, Michael Rooker, Stephen Tobolowsky y R. Lee Ermey. La película ta basada en fechos reales,[9] concretamente nel asesinatu d'activistes pro derechos civiles, qu'asocedió en 1964.
Remove ads
Argumentu
En 1964 el pequeñu pueblu de Jessup del estáu sureñu de Mississippi nos Estaos Xuníos, onde inda impera el racismu, sumen trés activistes polos derechos civiles que lluchen polos derechos d'igualdá nesi sitiu. Dos d'ellos son de raza blanca y unu ye un afroamericanu. El FBI encarga a dos axentes qu'investiguen el casu. Unu d'ellos ye Alan Ward (Willem Dafoe), que procede del norte y ye lliberal, y el segundu ye Rupert Anderson (Gene Hackman), exsheriff d'un pueblu de Mississippi, un home cínicu que conoz la sociedá sureña. Cada unu d'ellos tien la so propia idea de cómo solucionar esti asuntu, y xuntos topeten contra un muriu de silenciu y de prexuicios raciales per parte de la población llocal y dellos miembros del Ku Klux Klan.
Llueu afayen que los trés activistes fueron asesinaos y por ello tienen d'atopar los sos cadabres y castigar a los culpables metanes una espiral de violencia y intimidación desamarrada pol Ku Klux Klan nesi llugar por causa de la investigación. Pa ello reciben ayuda adicional per parte del FBI metanes una amplia cobertoria mediática que la prensa fai sobre esti casu.
Remove ads
Repartu
- Gene Hackman como l'axente Rupert Anderson
- Willem Dafoe como l'axente Alan Ward
- Frances McDormand como la Sra. Pell
- Brad Dourif como l'alguacil Clinton Pell
- Gailard Sartain como'l xérif Ray Stuckey
- R. Lee Ermey como l'alcalde Tilman
- Stephen Tobolowsky como Clayton Townley
- Michael Rooker como Frank Bailey
- Pruitt Taylor Vince como Lester Cowens
- Badja Djola como l'axente Monk
- Kevin Dunn como l'axente Bird
- Tobin Bell como l'axente Stokes
Remove ads
Receición
La película estrenar nos Estaos Xuníos el 9 d'avientu de 1988 y estrenóse n'España'l 17 de marzu de 1989.[10] Según Decine21, la película foi dirixida con sobriedá. Adicionamlente la película caltién la tensión en tou momentu y consigue implicar al espectador na aición. Finalmente, na so opinión, la interpretación de Gene Hackman foi sobeyosa.[11]
Premios
- Ganadora del premiu Óscar 1989 a la Meyor fotografía, y candidata a 6 premios más.
- Ganadora del premiu BAFTA 1990 a la Meyor fotografía, al meyor montaxe y al meyor soníu, y candidata a 2 premios más.
- Ganadora del premiu Osu de Plata del Festival Internacional de Cine de Berlín 1990, al meyor actor (Gene Hackman).[9]
Referencies
Enllaces esternos
Wikiwand - on
Seamless Wikipedia browsing. On steroids.
Remove ads