Mo Yan

Mo Yan (chinu: 莫言, pinyin: Mò Yán) (Gaomi, Shandong, 17 de febreru de 1955), seudónimu de Guan Moye que significa "nun fales",^[6] ye un escritor chinu, Premiu Nobel de Lliteratura 2012.

Mo Yan
miembro del Comité Nacional de la Conferencia Consultiva Política del Pueblo Chino (es) Eleiciones: 12th National Committee of the Chinese People's Political Consultative Conference (en)
Vida
Nacimientu	Gaomi (en) , 17 de febreru de 1955[1] (70 años)
Nacionalidá	República Popular China
Llingua materna	chinu
Familia
Familia	ver Guan Shiren (Ancestru)
Estudios
Estudios	Escuela de Arte y Literatura del Ejército Popular de Liberación (es) Universidá Normal de Beixín
Llingües falaes	chinu[2]
Alumnu de	Tong Qingbing (es)
Oficiu
Oficiu	escritor, novelista, profesor, guionista
Trabayos destacaos	Sorgo rojo (es) La república del vino (es) La vida y la muerte me están desgastando (es) Grandes pechos, amplias caderas (es) A Wonderful Work of Literature Eulogizing Human Life: On Reading Frog,a Novel by Mo Yan (en) The Herbivorous Family (en) Pow! (en) Sandalwood Death (en)
Premios	ver honorary doctor of the Chinese University of Hong Kong International Nonino Prize  (2005) Fukuoka Asian Culture Prize  (2006) Premiu Nobel de Lliteratura  (2012) [3] doctor honoris causa pola Universidá d'Aix-Marsella  (19 setiembre 2015) [4]
Influyencies	William Faulkner y Gabriel García Márquez
Seudónimos	Mo Yan[5]
Creencies
Partíu políticu	Partíu Comunista de China
IMDb	nm0594911

Biografía

Nació na provincia de Shandong, nuna familia de campesinos. Dexó la escuela demientres la Revolución Cultural pa trabayar nuna fábrica de petroleu. Alistóse nel Exército Popular de Lliberación, les actuales fuercies armaes del so país, a los venti años, y entamó a escribir siendo tovía soldáu.

En 1981 asoleyó la so primer novela, Lluvia nuna nueche de primavera. En 1984 algamó un puestu na Escuela d'Arte y Lliteratura del Exército, lo que-y permitió dedicar más tiempu a escribir. L'éxitu llegó-y coles sos noveles El rábanu tresparente y, sobre manera, El sorgu colloráu (1987). En 1996 publicó Grandes pechos amplios cadriles, onde cuasi un sieglu d'historia de China ye vistu a través de los gueyos d'una muyer. Esti llibru foi prohibíu poles autoridaes de Pekín.

N'Occidente ye conocíu principalmente pola adautación cinematográfica d'una de les sos noveles, que, col títulu de Sorgu colloráu, rodó'l direutor Zhang Yimou.

N'ocasiones foi comparáu con Franz Kafka.^[7] y les sos obres fueron traducíes a numberoses llingües.

La so consagración mundial definitiva llegó-y el 11 d'ochobre de 2012, al ser galardoáu col Premiu Nobel de Lliteratura.

Mo Yan asoleyó en chinu numberosos rellatos y noveles. Delles de les noveles de Mo Yan fueron llevaes al cine.