Movita Castaneda

María "Movita" Castaneda (12 d'abril de 1916, Nogales ^(es)  – 12 de febreru de 2015, Los Angeles)^[2] foi una actriz d'Estaos Xuníos conocida por ser la segunda esposa del actor Marlon Brando.

Movita Castaneda
Vida
Nacimientu	Nogales (es) , 12 d'abril de 1916[1]
Nacionalidá	Estaos Xuníos
Llingua materna	inglés
Muerte	Los Angeles, 12 de febreru de 2015[1] (98 años)
Causa de la muerte	enfermedá
Familia
Casada con	Jack Doyle (1939 – 1944) Marlon Brando (1960 – 1968)
Fíos/es	Miko Castaneda Brando Rebecca Brando
Estudios
Llingües falaes	inglés
Oficiu
Oficiu	actriz, cantante
IMDb	nm0610230

A principios de 1940, Movita casóse col boxeador, cantante y actor irlandés Jack Doyle. El so matrimoniu nun duró enforma tiempu.

Conoció a Marlon Brando a finales de 1950, dempués de divorciase él d'Anna Kashfi. Movita, seis años mayor que Brando, tendría dos fíos col actor: Miko Brando (n. 1961) y Rebecca Brando Kotlizky (n. 1966).

Nel cine, Movita interpretaba papeles de muyeres exótiques y cantantes, como en Flying Down to Rio (1933) y Mutiny on the Bounty (Mutiny on the Bounty) (1935). Curiosamente, Brando protagonizaría la segunda versión d'esti filme, estrenada en 1962.

Carrera

Movita, que nació nun tren que diba de Méxicu a Arizona, empezó la so carrera cinematográfica con Ginger Rogers y Fred Astaire na primer película del dúu: Flying Down to Rio. Siguió interpretando a muyeres exótiques en películes d'idiomes inglés y español, notablemente en Mutiny on the Bounty (Mutiny on the Bounty) xunto a Clark Gable y Franchot Tone, depués protagonizó en Rose of the Rio Grande y Wolf Call y en The Girl from Rio con Warren Hull. Protagonizó en Tower of Terror xunto a Wilfrid Lawson y Michael Rennie. Dempués d'un descansu, apaeció en Fort Apache, depués representó'l personaxe principal femenín en The Mysterious Desperado y Saddle Legion.