Mu Centauri
From Wikipedia, the free encyclopedia
Remove ads
Coordenaes: 
12h 12m 53.878s, -44° 28′ 16.025″
Mu Centauri (μ Cen / HD 120324 / HR 5193) ye una estrella na constelación de Centauru de magnitú aparente +3,46.[4] Nun tien nome propiu habitual, anque en China yera conocida, xunto a ν Centauri y φ Centauri, como Wei, «la balanza».[5] Ye miembru de l'Asociación estelar Centaurus Cimera-Lupus y alcuéntrase a 505 años lluz de distancia del Sistema Solar.
Mu Centauri ye una estrella blancu-azulada de tipu espectral B2; anque catalogada como subxigante,[4] les sos carauterístiques físiques correspuenden a les d'una estrella a la metá de la so vida dientro de la secuencia principal.[6] La so temperatura efectivo ye de 22.700 K y relluma con una lluminosidá, incluyida la radiación ultravioleta emitida, 7180 vegaes mayor que la lluminosidá solar. Con un radiu 4,5 vegaes más grande que'l del Sol, xira sobre sigo mesma con una velocidá de rotación proyeutada de 156 km/s, implicando un periodu de rotación inferior a 1,75 díes. Ye una estrella Be arrodiada por un discu circumestelar, que dende la nuesa perspeutiva amuésase aproximao de perfil; ésti ye tan opacu que Mu Centauri ye considerada una «estrella con envoltura».[7] Igualmente ye una estrella variable del tipo Gamma Cassiopeiae con variaciones de rellumu impredicibles.[8] Tien una masa 9,1 vegaes mayor que la masa solar.[6]
Mu Centauri tien una compañera estelar, separada 5 segundos d'arcu, de la qu'apenes nada se sabe.[6] Otra posible acompañante, visualmente a 48 segundos d'arcu, nun ye tal, sinón namái una compañera óptica que nun ta físicamente rellacionada con Mu Centauri.[7]
Remove ads
Referencies
Wikiwand - on
Seamless Wikipedia browsing. On steroids.
Remove ads