Muras

Muras ye un conceyu español asitiáu al norte de la provincia de Lugo en Galicia. Pertenez a la contorna de la Terra Chá. La distancia en tiempu a los nucleos urbanos próximos como Ferrol, A Coruña o Lugo nun entepasa de la hora n'automóvil.

Muras
Alministración
País	España
Autonomía	Galicia
Provincia	provincia de Lugo
Tipu d'entidá	conceyu de Galicia[1]
Mayor of Muras (en)	Manuel Requeijo
Nome oficial	Muras (gl)[2]
Códigu postal	27033
Xeografía
Coordenaes	43°28′04″N 7°43′23″W
Muras Muras (España)
Superficie	164 km²
Llenda con	Vilalba, Xermade, As Pontes de García Rodríguez, Mañón, Ourol, O Valadouro y Abadín
Demografía
Población	600 hab. (2024) - 316 homes (2019) - 326 muyeres (2019)
Porcentaxe	0.18% de provincia de Lugo
Densidá	3,66 hab/km²
Más información
Estaya horaria	UTC+01:00
muras.gal

Etimoloxía

Posiblemente derive de "Murias", plural del llatín muria 'conxuntu de murios'. Tampoco puede refugase un orixe na voz prerromana *mor(a), postulada por Hubschmid col valor ‘montón’.^[3]

Economía

La economía del conceyu depende en gran midida de los sectores agrícola ya industrial, destacando l'aportación de les empreses: Plásticos Ferro SL, Hypor España G P SA, Téunica d'Envases Pesqueros TEP SA, ER2 envasado con torna y reutilización SA, y Trans Gra-Mur SL.

Un sector de recién implantación nesta zona, ye'l de la producción d'enerxía eólica, con importantes inversiones de les empreses: Iberdrola, Remana, Ecyr y Norvento, lo que supón l'aprovechamientu que tien Muras na actividá de les enerxíes anovables.

Tamién son importantes los ingresos económicos procedentes del emplegu ufiertáu polos conceyos estremeros: la industria d'As Pontes de García Rodríguez, y los servicios de Vilalba y Viveiro.

Parroquies

• Ambosores (Santa María)
• A Balsa (Santa María)
• O Burgo (Santa María)
• Irixoa (San Xillao)
• Muras (San Pedro)
• Silán (Santu Estevo)
• O Sisto (Santa María)
• O Viveiró (Santa María)

Les parroquies de Ambosores y O Sisto pertenecen na so mayoría, según que llugares, tamién al conceyu de Ourol.

Ambosores (Muras) inclúi los llugares d'As Ameixeiras, Couce dos Mouros, O Mouriscón, Pena do Mouriscón, O Rego y Santar de Baixo. O Sisto (Muras) inclúi los llugares d'Os Casás, Muruás y Piocorto.