NGC 1705
galaxa From Wikipedia, the free encyclopedia
Remove ads
NGC 1705 ye una galaxa nana irregular na constelación de Pictor a 17 millones d'años lluz de distancia de la Tierra.
Imáxenes llograes col Telescopiu Espacial Hubble dexen ver cómo estrelles nueves, azules y calientes concéntrense escontra'l centru galácticu, ente que les más vieyes, acolorataes y fríes atópense más tremaes. Anque en NGC 1705 tuviéronse formando estrelles n'otres dómines, hai ente 26 y 31 millones d'años tuvo llugar un episodiu de gran actividá na formación estelar. Munches de les nueves estrelles del nucleu galácticu -nel que se topa un super cúmulu estelar (NGC 1705-1) con una masa de 10⁵ mases solares d'esa edá qu'esplica qu'ésta galaxa seya clasificada como una galaxa con biltu estelar[1]- nacieron nesti periodu de "españíu estelar".[2]
NGC 1705 ta clasificada como una nana irregular pol so pequeñu tamañu y por escarecer d'una estructura regular. Anguaño, créese que galaxes como ésta foron los primeros sistemes en colapsar y empezar a formar estrelles nel universu primitivu. Representen los primeros bloques a partir de los que formáronse más tarde oxetos muncho más masivos como les galaxes espirales y elíptiques al traviés de fusiones ya interacciones. L'estudiu de les estrelles de NGC 1705 y otres galaxes irregulares cercanes demostró qu'estes galaxes tienen dellos miles de millones d'años d'antigüedá. La mesma NGC 1705 podría tener hasta unos 13.500 millones d'años.
Remove ads
Ver tamién
Enllaces esternos
Referencies
Wikiwand - on
Seamless Wikipedia browsing. On steroids.
Remove ads