Nayib Bukele

Nayib Armando Bukele Ortez (San Salvador, 24 de xunetu de 1981) ye un empresariu y políticu salvadorianu, presidente d'El Salvador dende 2019.

Nayib Bukele
81. Presidente d'El Salvador 1r xunu 2019 - ← Salvador Sánchez Cerén Eleiciones: Elección presidencial de El Salvador de 2019 (es) , Elección general de El Salvador de 2024 (es) 13. alcalde de San Salvador 1r mayu 2015 - 1r mayu 2018 ← Norman Quijano - Ernesto Muyshondt → Eleiciones: elecciones legislativas y municipales de El Salvador de 2015 (es)
Vida
Nacimientu	San Salvador[1], 24 de xunetu de 1981[2] (44 años)
Nacionalidá	El Salvador
Llingua materna	castellanu
Familia
Padre	Armando Bukele Kattán
Casáu con	Gabriela de bukele (2014 – )
Hermanos/es	Karim Bukele (es) Ibrajim Bukele (es) Yusef Bukele
Estudios
Estudios	Universidad Centroamericana José Simeón Cañas (es)
Llingües falaes	castellanu inglés
Oficiu
Oficiu	políticu, empresariu, influencer
Llugares de trabayu	San Salvador
Premios	ver honoris causa  (2019) [3] Time 100  (2021) [4] Orden Nacional Juan Mora Fernández  : Costa Rica  (2024) [5]
Creencies
Relixón	monoteísmu
Partíu políticu	Gran Alianza por la Unidad Nacional (es) (de 29 xunetu 2018 a 26 xunu 2023) Cambio Democrático (es) (de 2018 a xunetu 2018) Nuevas Ideas (es) (dende 25 ochobre 2017) FMLN (es) (de 2012 a 10 ochobre 2017)
IMDb	nm11229949

Trayeutoria

Empezó la so carrera profesional nel campu de la publicidá, fundando una empresa propia en 1999 y collaborando na empresa de so padre, Armando Bukele Kattán, especializada en campañes eleutorales pal partíu FMLN.

Ingresó na política en [[2011 y foi escoyíu alcalde de Nuevo Cuscatlán en 2012, y más tarde de San Salvador en 2015. Tres ser espulsáu del FMLN en 2017, fundó'l partíu Nuevas Ideas, y presentóse a les eleiciones presidenciales de 2019 cola GANA, al nun poder rexistrar el so partíu. Ganó col 53 % de los votos.^[6]

Nel so mandatu impulsó'l Plan de Control Territorial en 2019, cola intención de menguar la tasa d'homicidios n'El Salvador, que baxó del 38 al 19 por cada 100.000 persones nel primer añu. Sicasí, investigaciones de medios como El Faro y informes del Departamentu d'Estáu de los Estaos Xuníos acusaron al so gobiernu de negociar en secretu con bandes delincuentes.^[7] En 2022, tres un repunte violentu, ordenó una represión masiva que llevó a la detención de más de 85.000 persones hasta avientu de 2024, munches d'elles ensin garantías xudiciales.

En 2023, promovió y aprobó la reducción de los conceyos de 262 a 44 y de los escaños parllamentarios de 84 a 60. Foi reelixíu en 2024 col 85 % de los votos tres d'una reinterpretación polémica de la Constitución.^[8]

Polémiques

En febreru de 2020, la entrada de militares armaos na Asamblea Llexislativa por orde presidencial gxneró fuerte polémica internacional, considerada un actu d'intimidación pa imponer un empréstamu de 109 millones de dólares^[9].

En 2021, aprobó una llei que convirtió'l bitcoin en moneda de cursu llegal y promovió la construcción de la llamada Bitcoin City, anque pa 2025 esti esperimentu económicu foi consideráu un fracasu.^[10]

A pesar del so altu grau d'aprobación —superior al 75 % a lo llargo de tol so mandatu y con picos del 90 %—, Bukele recibe acusaciones de deriva autoritaria. Diversos observadores internacionales y organizaciones de derechos humanos denuncien un retrocesu democráticu n'El Salvador baxo'l so gobiernu. Crítiques frecuentes aluden al control de les instituciones, el cese del fiscal xeneral y de la Corte Constitucional en 2021, y l'usu de les redes sociales pa desacreitar medios y opositores.^[11]

L'Asociación de Periodistes d'El Salvador y organismos como Human Rights Watch y Amnistía Internacional denunciaron les restricciones a la prensa y la falta de balances institucionales, alvirtiendo sobre la consolidación d'un réxime autoritariu nel país centroamericanu.^[12][13]