Oestron

L'Oestron (Westron nel orixinal) ye una llingua inventada por J.R.R. Tolkien^[1] nel contestu de la so obra lliteraria referida a la Tierra Media. En delles ocasiones denómase-y Llingua Común.

Adûni
Faláu en
Datos

Nos tiempos de la Guerra del Aniellu, l'Oestron^[2] yera la llingua de tolos homes y hobbits que vivíen nes zones qu'antaño pertenecíen a Gondor y Arnor, y tamién de los habitantes de les veres occidentales del Anduin, sacante los habitantes del monte de Drúadan, los Dudendalins, y los Rohirrim. L'Oestron, actuaba como llingua franca nes tierres al oeste de Rhûn, yera la llingua pública de los nanos, y la base de delles llingües de los orcos.

Orixinariamente la Oestron yera un amiestu d'adûnaic y de les llingües de los pueblos de les mariñes de la Tierra Media. Esti amiestu prodúxose a lo llargo de la Segunda Edá col establecimientu d'asentamientos de númenoreanos nes mariñes de la Tierra Media. Tres la llegada d'Elendil, recibió importantes aportaciones provenientes del Sindarin, y foi nesta forma na que s'espandió. La llingua de los hobbits ye una variante rústica del Oestron. Les llingües de los homes de Rhovanion y de Rohan taben emparentaes cola Oestron, una y bones toes baxaben de les llingües de los Edain y los sos parientes.