Omega Aurigae
From Wikipedia, the free encyclopedia
Remove ads
Omega Aurigae (ω Aurigae / 4 Aurigae / HD 31647)[9] ye una estrella na constelación d'Auriga de magnitú aparente +4,99. Alcuéntrase a 159 años lluz del Sistema Solar.
Omega Aurigae ye una estrella blanca de la secuencia principal de tipu espectral A1V. Tien una temperatura efectivo de 9750 K y, a partir de la midida del so diámetru angular —0,346 milisegundos d'arcu—,[10] puede conocese el so radiu, que ye aproximao un 82% más grande que'l radiu solar. Como otres estrelles asemeyaes, xira sobre sigo mesma rápido, con una velocidá de rotación de siquier 107 km/s,[11] unes 50 vegaes mayor que la del Sol. Ye una estrella brillosa en rayos X, siendo la so lluminosidá en dicha rexón del espectro de 1656,2×1020 W.[12] Tocantes a la so composición elemental, tien una metalicidá comparable a la solar, con una bayura relativa de fierro igual a la del Sol ([Fe/H] = 0,00). Amuesa, sicasí, cierta falta n'elementos como calciu, bariu y sodiu.[13]
Coles mesmes, Omega Aurigae forma un sistema binariu con una estrella de magnitú +8,1 y tipu espectral F9.[14] Dambes tán dixebraes nel cielu 4,5 segundos d'arcu, lo qu'equival a una separación real de siquier 220 UA.
Remove ads
Referencies
Wikiwand - on
Seamless Wikipedia browsing. On steroids.
Remove ads