Oscar Isaac
From Wikipedia, the free encyclopedia
Remove ads
Óscar Isaac (nacíu Óscar Isaac Hernández Estrada, 9 de marzu de 1979, Ciudá de Guatemala)[3][4][5] ye un actor y cantante guatemaliano-americanu. Ye conocíu polos sos papeles principales en Inside Llewyn Davis (2013), pola que recibió una nominación al Globu d'Oru, A Most Violent Year (2014) y Ex Machina (2015). Va Ser el protagonista de les películes Star Wars: Episode VII - The Force Awakens como Poe Dameron y X-Men: Apocalipsis como'l personaxe titular.
Remove ads
Biografía
Isaac nació na ciudá de Guatemala, Guatemala, de padre cubanu, Óscar Gonzalo Hernández, y madre guatemaliana, María Eugenia Estrada Nicolle. La so güela materna yera d'orixe francés. A los cuatro meses d'edá treslladóse a Miami, Florida, onde creció.[6] En Miami, tocaba la guitarra y cantaba pa la so banda The Blinking Underdogs. Definióse como una persona «bien cristiana».[7][8]
Carrera
Graduáu na prestixosa escuela Juilliard de Nueva York en 2005, el primer papel importante de Isaac foi'l de San Xosé en The Nativity Story en 2006, compartiendo'l so protagonismu cola nomada al Premiu Óscar Keisha Castle-Hughes. Tuvo pequeños papeles en películes como All About the Benjamins y en Che. Fixo una apaición televisiva en Law & Order: Criminal Intent. En teatru, participó en dos obres de William Shakespeare: Romeo y Julieta, faciendo de Romeo, y Los dos fidalgos de Verona nel Public Theater's "Shakespeare in the Park" de Nueva York.[9]
Darréu participó en Red de mentires xunto a Leonardo Dicaprio y Russell Crowe y en Pu-239. En 2009 trabayó en Ágora, d'Alejandro Amenábar, unu de los sos papeles más ambiciosos, filme nel que compartió cartelu con Rachel Weisz y Max Minghella.
Participó na entrega de la historia de Robin Hood, dirixida por Ridley Scott y protagonizada por Russell Crowe, nesta producción fai'l papel del rei Juan d'Inglaterra, hermanu pequeñu de Ricardo Corazón de Lleón. Más tarde esi mesmu añu, interpretó a un guardia de seguridá na película W.E., que foi dirixida por Madonna y estrenada en setiembre de 2011. Nel mesmu mes, Isaac actuó nel drama criminal Drive. Tamién tuvo un papel en 10 Years, na qu'interpretó a un músicu. Interpretó'l so propiu cantar «Never Had» na película. «Never Had» y «You Ain't Goin Nowhere» fueron incluyíos na banda sonora de la película.
En 2012 participó en Cristiada, una película d'Andy García. Al pie de él, intervienen, ente otros, Eva Longoria y Peter O'Toole.[10]
En 2013, Isaac protagonizó la película Inside Llewyn Davis, escrita y empobinada polos hermanos Coen. Isaac interpretó a un cantante de folk talentosu pero ensin ésitu nun drama ambientáu en Greenwich Village en 1961.[11] La película ganó'l Gran Premiu nel Festival de Cannes 2013.[12] Pol papel de Llewyn, Isaac recibió una nominación al Globu d'Oru al meyor actor nuna película musical o de comedia. Isaac coprotagonizó xunto a Jessica Chastain la película de J. C. Chandor A Most Violent Year (2014), sustituyendo al actor Javier Bardem.[13]
En 2015, Isaac interpretó a Nathan na película de ciencia ficción Ex Machina.[14] Va Ser miembru del repartu de Star Wars: Episode VII - The Force Awakens, prevista p'avientu de 2015.[15] El primer tráiler de la película, estrenáu'l 28 de payares de 2014, reveló que'l so personaxe ye un pilotu d'un X-wing, col nome del personaxe siendo anunciáu como Poe Dameron dos selmanes dempués.
El 24 de payares de 2014, Isaac foi anunciáu pa interpretar al villanu de los X-Men, Apocalipsis na próxima película X-Men: Apocalipsis, que va ser estrenada'l 27 de mayu de 2016.[16]
Remove ads
Filmografía
Teatru
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads