Oskar Matute

Oskar Matute García de Jalón (5 d'ochobre de 1972, Barakaldo) ye un políticu español. Dende 2009 lidera Alternatiba, partíu políticu integráu n'Euskal Herria Bildu (EH Bildu), formación pola que foi miembru del Parllamentu Vascu y del Congresu de los Diputaos. Enantes tamién foi miembru del Paramentu Vascu por Ezker Batua-Berdeak, entós el referente vascu d'Izquierda Xunida.

Oskar Matute
Diputáu nel Congresu de los Diputaos d'España 3 avientu 2019 - Distritu: Vizcaya Eleiciones: eleiciones al Congresu de los Diputaos de payares de 2019, eleiciones al Congresu de los Diputaos de payares de 2019 en Bizkaia Diputáu nel Congresu de los Diputaos d'España 14 mayu 2019 - 24 setiembre 2019 Distritu: Vizcaya Eleiciones: eleiciones al Congresu de los Diputaos d'abril de 2019 Diputáu nel Congresu de los Diputaos d'España 18 xunetu 2016 - 5 marzu 2019 Distritu: Vizcaya Eleiciones: eleiciones xenerales d'España de 2016 miembru del Parllamentu Vascu 20 payares 2012 - 15 xunetu 2016 - Jone Goirizelaia → Distritu: Bizkaia Eleiciones: 10th Parliament of the Basque Autonomous Community (en) Voceru d'Alternatiba 29 abril 2009 - miembru del Parllamentu Vascu 13 xunetu 2005 - 6 xineru 2009 ← Javier Madrazo Lavín Distritu: Bizkaia Eleiciones: 8th Parliament of the Basque Autonomous Community (en) miembru del Parllamentu Vascu 9 xineru 2002 - 22 febreru 2005 ← Javier Madrazo Lavín Distritu: Álava (en) Eleiciones: 7th Parliament of the Basque Autonomous Community (en) voceru d'EH Bildu nel Congresu de los Diputaos
Vida
Nacimientu	Barakaldo[1], 5 d'ochobre de 1972[1] (52 años)
Nacionalidá	España
Estudios
Estudios	Universidá del País Vascu diplomatura : business science (en)
Llingües falaes	castellanu vascu
Oficiu
Oficiu	políticu
Llugares de trabayu	Madrid
Creencies
Partíu políticu	Euskal Herria Bildu (dende 2012)[1] Alternatiba (dende 2009) Ezker Batua-Berdeak (hasta 2009)

Biografía

Llicenciáu n'Empresariales pola Universidá del País Vascu, Matute s'anició nel activismu social al traviés de los movimientos de insumisión al serviciu militar y el movimientu pacifista Elkarri.^[2] Amás ye miembru de la Fundación Viento Sur, la Fundación Gogoa y Comisiones Obreres.

Foi coordinador de la Presidencia d'Ezker Batua-Berdeak y de la Presidencia Federal d'Izquierda Xunida, y foi miembru del Parllamentu Vascu nes VII y VIII llexislatures. En dambes exerció como vicepresidente de la Comisión d'Ordenación Territorial, Tresportes y Mediu Ambiente; na VIII, ocupó amás el cargu de Presidente de la Comisión de Control Parllamentariu d'Euskal Irrati Telebista.

Incorporóse a la direición d'Ezker Batua en representación del coleutivu Ekaitza, surdíu en 1993 como una corriente interna partidaria del soberanismu vascu, el drechu d'autodetermín, los movimientos sociales alternativos y la participación ciudadana nes decisiones polítiques. Arriendes de la participación d'Ezker Batua nel Pactu de Lizarra de 1998, la corriente Ekaitza tresformóse en Batzen, de la que tamién foi voceru.^[3] Entós daquella, Matute tamién yera miembru d'Espaciu Alternativu dientro d'Izquierda Xunida.^[4]

En 2008 encabezó la única candidatura alternativa na VII Asamblea d'Ezker Batua y que foi sofitada polos seutores críticos Batzen y Alcuentru Plural Alternativu;^[5] pero'l Partíu Comunista d'Euskadi, qu'hasta entós s'amosó discrepante cola direición, optó por sofitar la candidatura principal, colo que finalmente se ratificó de nuevu a Javier Madrazo como coordinador xeneral, cargu del que dimitió énte les males resultancies eleutorales que llogró la so formación nes eleiciones al Parllamentu Vascu de 2009.

Paralelamente participó na fundación d'Alternatiba Eraikitzen ('construyendo l'alternativa', n'euskera), primeramente yera una organización sociopolítica que pretendía refundar la izquierda vasca y que se constituyó en partíu políticu col nome d'Alternatiba, abandonando definitivamente Ezker Batua, n'abril de 2009. Alternatiba, que se define como un partíu que defende'l drechu d'autodetermín soberanista y d'esquierdes,^[6] en 2011 s'integró na coalición eleutoral Bildu xunto con Eusko Alkartasuna ya independientes de la esquierda abertzale.^[7] Nes eleiciones municipales de 2011 Oskar Matute zarró la llista de Bildu en Barakaldo.

Nes eleiciones al Parllamentu Vascu de 2012 resultó eleutu como integrante de la llista de la coalición Euskal Herria Bildu (EH Bildu) pola circunscripción de Bizkaia.^[8] Nes eleiciones xenerales de 2016 encabezó la llista d'EH Bildu al Congresu per Bizkaia, resultando escoyíu diputáu, polo que foi sustituyíu nel Parllamentu Vascu pola abogada Jone Goirizelaia.^[9] Repitió escañu nes eleiciones xenerales de 2019.