Patrice Talon

Patrice Talon (1 de mayu de 1958, Ouidah ^(es) ) ye un home de negocios y políticu de Benín, Presidente de la República de Benín dende'l 6 d'abril de 2016 al ganar al Primer Ministru Lionel Zinsou na seguenda vuelta de les eleiciones^[3][4].

Patrice Talon
Presidente de la República de Benín 6 abril 2016 - ← Yayi Boni
Vida
Nacimientu	Ouidah (es) , 1 de mayu de 1958[1] (67 años)
Nacionalidá	Benín
Familia
Casáu con	Claudine Talon [2]
Fíos/es	Lionel Talon[2] Karen[2]
Estudios
Estudios	Universidá Cheikh-Anta-Diop École nationale de l'aviation civile
Llingües falaes	francés
Oficiu
Oficiu	políticu, empresariu
Participante Xunta Añal del Foru Económicu Mundial 2017
Premios	ver National Order of Benin Orde Nacional de Burkina Fasu
Creencies
Relixón	Ilesia Católica
Partíu políticu	políticu independiente

Biografía

El so padre yera un trabayador del ferrocarril nativu d'Ouidah y la so madre venía d'una familia Guedegbe d'Abomey. Ta casáu con una muyer nativa de Porto Novo y ye padre de dos fíos.

Conocíu como'l "Rei del algodón" pola so participación na industria del algodón nel so país, Talon foi un sostén al presidente Thomas Boni Yayi, y financio les sos campañes pa les eleiciones de 2006 y 2011. Sicasí, dempués de que dambos s'alloñaron, Talon foi acusáu de participar nuna combalechadura pa matar a Boni Yayi y fuxó a Francia en 2012. Foi indultáu en 2014.

En setiembre de 2021, Patrice Talon y Thomas Boni Yayi, aliaos políticos que se convirtieran n'enemigos íntimos, arrexuntáronse nel Marina Palace de Cotonou. Mientres alcuentru, Thomas Boni Yayi presentó a Patrice Talon una serie de propuestes y solicitúes, rellacionaes en particular cola lliberación de "deteníos políticos".