Pedralba
conceyu de Zamora From Wikipedia, the free encyclopedia
Remove ads
Pedralba[4] (oficialmente en castellán: Pedralba de la Pradería) ye un conceyu y llocalidá española de la contorna de Senabria, na provincia de Zamora, comunidá autónoma de Castiella y Llión.[5]
Remove ads
Xeografía
Atópase allugáu na contorna de Senabria, al noroeste de la provincia de Zamora. Nel so términu municipal atópense les llocalidaes de Calabor, Llobécianos, Pedralba, Rueidenore de Riba y Santa Cruz d'Abranes. Tien una estación de ferrocarril.
Historia
Mientres la Edá Media Pedralba quedó integráu nel Reinu de Llión, que los sos monarques acometeríen la repoblación de la llocalidá dientro del procesu repoblador lleváu a cabu en Senabria. Tres la independencia de Portugal del reinu lleonés en 1143 Pedralba sufriría pola so situación xeográfica los conflictos ente los reinos lleonés y portugués pol control de la frontera, quedando estabilizada la situación a entamos del sieglu XIII.[6]
Darréu, na Edá Moderna, Pedralba foi una de les llocalidaes que s'integraron na provincia de les Tierres del Conde de Benavente y dientro d'esta na receptoría de Senabria.[7] Sicasí, al reestructurase les provincies y crease les actuales en 1833, Pedralba pasó a formar parte de la provincia de Zamora, dientro de la Rexón Lleonesa,[8] quedando integráu en 1834 nel partíu xudicial de La Puebla de Senabria.[9]
Per otru llau, en redol a 1850, el conceyu de Pedralba tomó la so actual estensión territorial, al integrar nel so términu les llocalidaes de Calabor, Llobécianos, Ruidenore y Santa Cruz d'Abranes.[10]
Remove ads
Riqueza llingüística
Pedralba ye un conceyu carauterizáu pola so elevada diversidá y riqueza llingüística, al tar presentes nél tres llingües romances: el castellán, el lleonés (llingua tradicional de la mayoría del conceyu) y el gallegu (llingua principal de la pedanía de Calabor); magar ye ciertu qu'estos dos últimes llingües fálense ellí nes sos respeutives variantes sanabresas y por ello amuesen una gran semeyanza ente sigo, con un porcentaxe mayoritariu de léxicu compartíu.[4]
Demografía
| Gráfica d'evolución demográfica de Pedralba ente 1900 y 2017 |
 |
| Fonte: Institutu Nacional d'Estadística d'España - Ellaboración gráfica por Wikipedia. |
Población por nucleu[11]
Remove ads
Ver tamién
- Llagu de Senabria
- Lleenda del Llagu de Senabria
- Camín de Santiago Senabrés
- La Puebla de Senabria
- Samartín de Castañeda
Referencies
Enllaces esternos
Wikiwand - on
Seamless Wikipedia browsing. On steroids.
Remove ads