Peggy Ann Garner

Peggy Ann Garner (3 de febreru de 1932, Canton – 16 d'ochobre de 1984, Woodland Hills) foi una actriz cinematográfica y teatral d'estauxunidense.

Peggy Ann Garner
Vida
Nacimientu	Canton, 3 de febreru de 1932[1]
Nacionalidá	Estaos Xuníos
Muerte	Woodland Hills, 16 d'ochobre de 1984[1] (52 años)
Causa de la muerte	cáncer de páncrees
Familia
Casada con	Albert Salmi (1956 – 1963)
Fíos/es	1
Estudios
Estudios	Escuela Preparatoria University (es)
Llingües falaes	inglés[2]
Oficiu
Oficiu	actriz de teatru, actriz de cine, actriz de televisión, modelu, actriz
Premios	ver Estrella del Paséu de la Fama de Hollywood Óscar honoríficu Óscar juvenil  (1946) Hasty Pudding Woman of the Year  (1956)
IMDb	nm0307750

Una actriz infantil d'ésitu, Garner fixo'l so primer papel pal cine en 1938, y ganó'l Premiu Xuvenil de l'Academia pol so trabayu en A Tree Grows in Brooklyn (1945). Actuaciones en cintes como Black Widow (1954) nun consiguieron confirmala como actriz adulta y, anque progresó nel ámbitu teatral, fixo relativamente poques actuaciones en dexando la infancia.

Biografía

Nacida en Canton (Ohio), so madre emburrióla a l'actuación llevándola a pruebes de talentu siendo Garner inda una neña. En 1938 fixo la so primer actuación cinematográfica, y nos siguientes pocos años trabayó en producciones como Jane Eyre (1944) y The Keys of the Kingdom (1944). Algamó'l visu del so ésitu a los 13 años d'edá, cola cinta A Tree Grows in Brooklyn (1945), actuación que-y valió'l Premiu Xuvenil de l'Academia.

Como otros munchos neños actores, Garner foi incapaz de faer la transición a los papeles adultos. A partir de la década de 1950 y hasta la de 1960 foi artista convidada en diverses producciones televisives, asina como panelista regular del show de la NBC Who Said That?, trabayando xunto a H. V. Kaltenborn y Boris Karloff.

En rematando la so carrera nel cine, aventuróse a actuar nel teatru, mediu nel cual tuvo ciertu ésitu. Amás, y con cuenta de disponer d'unos ingresos económicos regulares, trabayó como axente inmobiliaria y como executiva d'una empresa de flotes de vehículos. La so última actuación frente a les cámares foi un pequeñu papel pa un telefilme de 1980.

Garner casóse col cantante y presentador de concursos Richard Hayes, del que se divorció en 1953. Darréu, el 16 de mayu de 1956, casóse col actor Albert Salmi, divorciándose la pareya'l 13 de marzu de 1963. L'últimu matrimoniu de Garner foi con Kenyon Foster Brown. Esta unión tamién acabó en divorciu. Tuvo una única fía, Catherine Ann Salmi, finada en 1995, a los 38 años d'edá, por causa de una enfermedá cardiaca.

Peggy Ann Garner finó por causa de un cáncer de páncreas en 1984 en Woodland Hills (Los Angeles), California. Tenía 52 años d'edá. Los sos restos fueron incineraos, y les cenices apurríes a los allegaos.

Filmografía

Añu	Film	Papel	Observaciones
1938	Little Miss Thoroughbred	Ensin creitos
1939	Blondie Brings Up Baby	Melinda Mason
	In Name Only (Dos muyeres y un amor)	Ellen Eden
1940	Abe Lincoln in Illinois	Neña pequeña (ensin creitos)	Spirit of the People, títulu en Reinu Xuníu
1942	The Pied Piper	Sheila Cavanaugh
	Eagle Squadron
1944	The Keys of the Kingdom
	Jane Eyre	Jane Eyre (mozu)
1945	Nob Hill	Katie Flanagan
	A Tree Grows in Brooklyn (A Tree Grows in Brooklyn)	Francie Nolan
	Cómo la primavera (Junior Miss)	Judy Graves
1946	Home, Sweet Homicide	Dinah Carstairs
1947	Daisy Kenyon	Rosamund O'Mara
	Thunder in the Valley	Maggie Moore
1948	The Sign of the Ram (El signu de Arias)	Christine St. Aubyn
1949	The Lovable Cheat	Julie Mercadet
	The Big Cat	Doris Cooper
	Bomba, the Jungle Boy	Pat Harland
1951	Teresa	Susan Cass
1954	Black Widow	Nancy 'Nanny' Ordway
1966	The Cat	Susan Kilby
1978	A Wedding	Candice Ruteledge

Referencies

• Esta obra remanez de la traducción de Peggy Ann Garner de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• "Plain Beautiful: The Life of Peggy Ann Garner," by Sandra Grabman. Albany: BearManor Media. 2005. ISBN 1-59393-017-8.
• "Spotlights & Shadows: The Albert Salmi Story," by Sandra Grabman. Albany: BearManor Media. 2004. ISBN 1-59393-001-1.