Perabeles

Perabeles^[3] ye una casería^[4] de la parroquia de Santa Bárbola, nel conceyu asturianu de Samartín del Rei Aurelio. Tien una población de 63 habitantes (2024)^[5]. El pueblu estrémase en barrios como Les Caecima, La Corrá y La Caya.^[6]

Perabeles
Alministración
País	España
Autonomía	Principáu d'Asturies
Provincia	provincia d'Asturies
Conceyu	Samartín del Rei Aurelio
Parroquia	Santa Bárbola
Partíu xudicial	Llaviana
Tipu d'entidá	casería[1]
Nome oficial	Perabeles (ast)[2]
Xeografía
Coordenaes	43°15′07″N 5°37′39″W
Perabeles Perabeles (Asturies)
Demografía
Población	63 hab. (2024)
Porcentaxe	18.86% de Santa Bárbola
Más información
Estaya horaria	UTC+01:00

Topónimu

Según el filólogu perabeliegu Xulio Llaneza Fernández, dicíase popularmente que se llamaría asina porque yera onde descansaben los entierros que veníen de los pueblos más altos de Santa Bárbola. Antes d'haber carreteres, los difuntos llevábanse pelos caminos acarriando la caxa nos costazos de cuatro persones que se diben turnando. Había llugares fixos onde se posaba la caxa pa descansar ya rezar pol fallecíu. Esos llugares taben iguaos pa poner curiosamente la caxa ya les veles. La xente al falar del pueblu referíase a él como'l de «les veles» o'l de «per les veles», y afitándose nesa costume pasaría a llamase «Peraveles» y darréu «Perabeles».^[7]

Na documentación antigua de la ilesia parroquial, atópase escritu dende 1714, en qu'apaez de delles maneres: Peraveles, Peravelez, Perabeles y Perabelez.

L'autor suxere qu'el so aniciu pue debese al nome del so fundador, de apellíu Vélez y de nome Pedro (Peru, Pere o Pero). En documentos antiguos de la catedral d'Uviéu, alcuéntrase, de finales del sieglu xii, un «Petrus Vele», qu'apaez como canciller real d'aquellos años.^[8] Correspondiéndose col nome popular Pero o Pere, ye creyible qu'esti señorón tuviera una casería nun dellos llugares más fértiles, ya que la mesma fuere conocía col nome del so amu.^[7]

Otres hipótesis propunxeren que la partícula «bel» bien pue tener relación col étimu prerromanu «bel», que refierse al dios célticu Beleño (galu belinuntia, griegu βελένιον, llatín Belenus), que pue atopase en munches otres toponimies asturianes (Belmonte, San Xuan de Beleño, Les Muries de Beloño, etc.).^[9]

Patrimoniu arqueolóxicu

L'antiguu molín del Puzu la Olla, del que sólo queden dalgunes piedres, que s'afayaba al llau del Puzu la Olla, na parte fondera de la fastera de Perabeles.^[7]