Perseides

Les Perseides o Llárimes de San Llorienzu son una conocida lluvia de meteoros anual que tien llugar la primer metá d'agostu al rodiu del día 12, cuando algama'l máximu númberu d'estrelles fugaces. El so radiante, esto ye, el so presuntu orixe, ta na constelación de Perséu.

Perseides^[1]

Periodu d'actividá	17 de xunetu – 24 d'agostu
Actividá máxima	12 d'agostu
Radiante de l'actividá máxima	RA: 3h 12m DE: +58°
THC	150
Índice de población	2,2
Velocidá	59 km/s

Historia

La primer observación de les Perseides de la que tenemos constancia foi va aproximao dos milenios, al rodiu del 36 e.C. en China. Darréu tenemos noticies de Xapón y Corea. N'Europa la primer observación conocida foi nel añu 811. Nel añu 1762 la primer tresmisión escrita foi la del llibru Introduction a la Philosophie naturelle del investigador de ciencies naturales neerlandés Pieter van Musschenbroeck, que dicía que tres el calor del branu podíen vese estrelles cayer nes ciudaes belga y neerlandesa de Leiden y Utrecht. Nel añu 1792 hubo un artículu nel periódicu de Pennsylvania National Gazette sobre una alta actividá de meteoros el 15 d'agostu, lliteralmente dicía: "in the month of August there are more meteors to be observed in the atmosphere, than at any other period of the year..." (nel mes d'agostu puen observase más meteoros na atmósfera qu'en cualquier otru periodu del añu...". L'investigador inglés Thomas Forster escribió nel so llibru The Pocket Encyclopedia of Natural Phenomena pal 10 d'agostu del añu 1827: "Falling Stars and Meteors abound about the time of year" (Les estrelles y meteoros que caen abonden nesta época del añu). ^[2][3] L'añu 1835 redactó l'astrónomu y estadísticu belga Adolphe Quetelet una noticia escrita sobre lala luvia de meteoritos na constelación de Perséu. Gracies a esto foi'l primer astrónomu que venceyó la lluvia de meteoritos d'agostu cola constelación de Perséu.^[4][5]

Llámense tamién llárimes de San Llorienzu por coincidir cola fiesta del Mártir Llorienzu'l 10 d'agostu, conmemorando'l martiriu que sufrió nel añu 258 al morrer sobre una parrilla.

Orixe y apaición

La constelación de Perséu pue vese nel cielu nocturnu d'esti xeitu: dende la exa trasera allargada cinco veces del Sietestrellu enriba la Estrella Polar hasta Casiopea y depués nun ángulu pa la drecha a metá de camín cara a Capella nel Áuriga.

Perseides (2015)

Les Perseides tán compuestes de los restos de la disolución del  Cometa 109P/Swift-Tuttle. La tierra traviesa na so órbita al rodiu del 12 d'agostu'l rastru de polvu que dexó esti cometa nel espaciu. Los cachinos de polvo entren aína na atmósfera y faen brillar les sos molécules de gas. Les estrelles fugaces por eso nun son en sí mesmes nucleos de polvu ingriento, sinón que se faen visibles pol brillu de la recombinación del gas ionizao.

El periodu d'actividá total de les perseides va dende'l 17 de xunetu hasta'l 24 d'agostu. El númberu de meteoros aumenta según la tierra va averándose a l'antigua órbita del cometa, sobremanera cuando más s'avera, casu del añu 1992. Nos años 1991 y 1993 rexistrárone en condiciones ideales (THC) tases de más de 350 meteoros por hora.^[6] Anguaño la lluvia de meteoros algama un máximu d'al rodiu de 100 meteoros por hora.

Desendolcu históricu

Añu	Periodu d'actividá	Periodu de máxima observación
2016	17 de xunetu – 24 d'agostu	12./13 d'agostu[7] (THCmax 150)
2015	17 de xunetu – 24 d'agostu	12./13 d'agostu[8] (THCmax 95) (Neumond am 14. August)
2014	17 de xunetu – 24 d'agostu	13 d'agostu(THCmax 68)[9] (Vollmond am 10. August)
2013	17 de xunetu – 24 d'agostu	12 d'agostu (THCmax 109)[10]
2012	17 de xunetu – 24 d'agostu	12 d'agostu (THCmax 122)[11]
2011	17 de xunetu – 24 d'agostu	12 d'agostu (THCmax 58)[12] (Vollmond am 13. August)[13]
2010	23 de xunetu – 24 d'agostu	12 d'agostu (THCmax 142)[14]
2009	14 de xunetu – 24 d'agostu	13 d'agostu (THCmax 173) (el máximu esperáu yera de 173[15] sicasí, la visibilidá yera menos por mor de la lluna medrante)
2008	25 de xunetu – 24 d'agostu[16]	13 d'agostu (THCmax 116)[16]
2007	19 de xunetu – 25 d'agostu[17]	13 d'agostu (THCmax 93)[17]
2006	12./13 d'agostu
2005
2004	12 d'agostu (THCmax >200)
1994	(THCmax >200)[5]
1993	(THCmax 200–500)[5]
1992	Entamu el 11 d'agostu (lluna llena el 13 d'agostu)[18]
1864	(THCmax >100)[5]
1863	(THCmax 109–215)[5]
1861	(THCmax 78–102)[5]
1858	(THCmax 37–88)[5]
1839	(THCmax 165)[5]
1792	15 d'agostu[19][20]

Imáxenes

• 
  Meteoru de les Perseides añu 2009. Pue reconocese n'esta imaxe la típica coloración verde.
• 
  El Radiante asitiáu nel puntu de corte de la llinia blanca.
• 
  Meteoru de les Perseides del añu 2012.
• 
  La güelga verde d'un meteorú de les Perseides del añu 2012.
• 
  Meteoru de les Perseides del añu 2015.

Enllaces d'interés

• Coming Perseid Meteor Storms Archiváu 2016-05-07 en Wayback Machine (inglés)
• Allgemeine Informationen, Geschichte und Links (alemán)
• Gesellschaft für astronomische Bildung Landesverband Sachsen-Anhalt: Beobachtungstipps und allgemeine Informationen (enllaz rotu disponible n'Internet Archive; ver l'historial y la última versión). (alemán)
• Karte mit Radiantenpositionen Archiváu 2007-09-30 en Wayback Machine (alemán)