Phengaris alcon

La Phengaris alcon, ye una caparina de la familia Lycaenidae que puede ser atopada n'Europa y Asia septentrional. Puede ser vista pel branu. Como otres especies de Lycaenidae, nel so estadiu larvar (gata) depende del sofitu de ciertes formigues; como tal ye designada como una especie mirmecófila, un exemplu de coevolución. Vuela n'Asturies.

Phengaris alcon
Clasificación científica
Reinu:	Animalia
Filu:	Arthropoda
Clas:	Insecta
Orde:	Lepidoptera
Familia:	Lycaenidae
Xéneru:	Phengaris
Especie:	P. alcon Denis y Schiffermüller, 1775
Consultes
[editar datos en Wikidata]

Ciclu de vida

Güevos de Phengaris alcon, antes Maculinea alcon, sobre Gentiana pneumonanthe.

Esta caparina deposita los sos güevos na Gentiana pneumonanthe; na rexón de los Alpes son dacuando atopaos na Gentiana asclepiadea).^[1]. Les gates nun comen otres plantes.

Les canesbes abandonen la planta dempués de crecer abondo (4º estadiu) y aguarden nel suelu hasta ser atopaes por determinaes formigues. Les canesbes emiten químicos superficiales (alomonas) bien asemeyaos a les de les canesbes de les formigues, lo qu'induz a les formigues a tresportar les canesbes de la caparina al interior de los sos formigueros, asitiándoles xuntamente coles sos canesbes; ellí son alimentaes poles formigues obreres  ente que la formiguera taramia les canesbes de les sus güespederes. ^[2]

Cuando la canesba de la caparina ta totalmente desenvuelta tresfórmense en pupa. Cuando l'adultu remanez tien qu'entamar la fuga del nial de formigues. Estes reconocen la caparina como un intrusu, pero cuando traten d'atacala colos sos quexales nun consiguen garrala pos la caparina tien una capa trupa d'escames que se suelten fácilmente.^[3]

Parasitismu y predadores

Col tiempu, delles colonies de formigues parasitaes d'esta forma alterien llixeramente les alomonas de les canesbes como forma de defensa, llevando a una carrera a les armes evolucionaria ente les dos especies. ^[4]

D'una manera xeneral, les especies de Lycanidae que tienen una rellación mirmecófila coles formigues del xéneru Myrmica presenten especificidá de güéspedes. La Phengaris alcon ye distinta nesti aspeutu pos usa distintes especies de formigues hospederes en distintes rexones d'Europa. Ente elles atópense Myrmica scabrinodis, Myrmica ruginodis, y Myrmica rubra.

Les canesbes de Phengaris son buscaes sol suelu pola vespa Ichneumon eumerus. Al detectar una canesba de la phengaris, la vespa entra nel nial y esvalixa una feromona que fai con que les formigues del nial atáquense mutuamente. Nel tracamundiu resultante, la vespa alcuentra la canesba de la caparina y inyécta-y colos sos propios güevos. Nel estadiu de pupa de la caparina, los güevos de vespa eclosionen y les canesbes de la vespa aliméntense de la pupa dende'l so interior. ^{[5] [6] [7] [8] [9]}