Phylloscopus ibericus
From Wikipedia, the free encyclopedia
Remove ads
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
La pioyina ibérica[2] (Phylloscopus ibericus) ye una especie d'ave de la familia Phylloscopidae qu'habita na península Ibérica y África. Ye un páxaru de pequeñu tamañu, coles partes cimeres del so cuerpu de tonos verdosos y les inferiores y la cara amarellentaes. La so apariencia ye bien similar al mosquiteru común, pero de colores más vivos. La so alimentación ye principalmente insectívora.
Remove ads
Taxonomía
Primeramente consideróse a les poblaciones de mosquiteru de la península ibérica como una subespecie del mosquiteru común, como Phylloscopus collybita brehmii, cuando posteriores estudios revelaron qu'había diferencies abondes pa considerales especies distintes,[3] con una tasa de diverxencia del 4,6% del ADN mitocondrial,[4][5] nomóse como la especie Phylloscopus brehmii, pero cuando un estudiu posterior determinó que l'exemplar tipu que s'usara pa la descripción d'esti taxón resultó nun ser l'un mosquiteru ibéricu, sinón un xuvenil de mosquiteru común, invalidóse'l taxón y finalmente asignóse-y el nome binomial Phylloscopus ibericus.[6][7]
Los estudios taxonómicos paecen indicar que los mosquiteros ibéricos son el llinaxe más antiguu ente los mosquiteros, que se dixebró de los mosquiteros comunes hai 2 millones d'años, al quedase aisllaos los mosquiteros ibéricos na península mientres les glaciaciones del Pleistocenu,[8] y que los mosquiteros comunes tornaron a la península ibérica mientres el periodu interglaciar.[3]
Subespecies
Nel mosquiteru ibéricu estrémense dos subespecies:[6]
- P. i. ibericus, que cría na metá sur de la península ibérica y norte d'África.
- P. i. biscayensis, que cría na metá norte del la península ibérica.
Remove ads
Descripción
Trátase d'un páxaru de pequeñu tamañu, que mide de diez a once centímetros y pesa de 7 a 8,25 gramos. Les partes cimeres del so cuerpu son de tonos verdosos, ente que la so cara y les partes inferiores son amarellentaes. Anque la so apariencia ye bien similar a la de los mosquiteros comunes (P. collybita) tienen colores más vivos, el verde del obispillo y los costazos ye más intensu y la so cara y gargüelu son d'un mariellu más intenso.[5][9] Presenta llista ocular y brida tamién olivacees. Les sos ales son más apuntaes que les del mosquiteru común y la so cola daqué más llarga.[5][10] Les sos pates suelen ser de color marrón. Dambos sexos tienen un aspeutu similar y ye difícil estremalos a güeyu.
Esta especie difier notablemente de P. collybita nos sos cantares y llamaes.[11][12][3]
Remove ads
Distribución y hábitat
L'área de cría d'esta especie alcuéntrase na península Ibérica y el norte d'África. La población europea envalórase ente 360.000-530.000 pareyes reproductores, lo que supón el 90 per cientu de la población mundial. El país cola principal población reproductora ye España, onde añeren ente 340.000-400.000 pareyes reproductores.[13]
Anque les poblaciones sureñes puedan esvalixase a distancies curties la mayoría de los mosquiteros ibéricos son aves migratories de llarga distancia, que traviesen el desiertu d'El Sáḥara pa dirixise a los sos cuarteles ivernizos n'África occidental,[14] distribuyéndose dende Senegal pel sur de Malí, Burkina Fasu y el norte de Ghana.
El mosquiteru ibéricu prefier los hábitat montascosos y premontañosos, con montes abiertos, montes de ribera o sotobosques.[8]
Reproducción
La dómina de cría empieza ente febreru y marzu y dura hasta setiembre. Ponen de 4 a 7 güevos que guaren mientres 13 - 15 díes.
Hibridación
Esiste una pequeña zona, d'unos 20 km d'anchu, nos pirineos occidentales onde les árees de cría d'esta especie y el mosquiteru común asolapen y produzse hibridación ente dambes,[11][12][5] casi siempres ente machos de P. ibericus y femes de P. c. collybita.[5] Los híbridos aparentemente amuesen una aptitú bien amenorgada;[4] les femes híbrides paecen ser maneres, d'acordies cola regla de Haldane.[15]
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads