Pimiango

Pimiango^[3] ye un llugar^[4] de la parroquia de Colombres nel conceyu asturianu de Ribedeva.

Pimiango
Alministración
País	España
Autonomía	Principáu d'Asturies
Provincia	provincia d'Asturies
Conceyu	Ribedeva
Parroquia	Colombres
Partíu xudicial	Llanes
Tipu d'entidá	llugar
Nome oficial	Pimiango (ast)[1]
Códigu postal	33590
Xeografía
Coordenaes	43°23′18″N 4°32′28″W
Pimiango Pimiango (Asturies)
Altitú	159 m y 158 m[2]
Demografía
Población	92 hab. (2019) - 49 homes (2019) - 43 muyeres (2019)
Porcentaxe	7.02% de Colombres
Viviendes	91 (2001)
Más información
Estaya horaria	UTC+01:00 (horariu estándar) UTC+02:00 (horariu de branu)

Alcuéntrase a 4 km^[4] de Colombres, la capital del conceyu, a una altitú media de 159 msnm^[5] y tien una población de 92 habitantes (2019)^[6].

Destaquen les pintures rupestres de la Cueva del Pindal, les ruines del monesteriu de Tina o los restos de les mines de cobre de Tina, con una antigüedá de 4.500 años.

La Mansolea

Antiguamente'l pobláu de Pimiango asitiábase en Las Baxuras, per Ḥaerín, dedicándose principalmente a la pesca en simples llanches tanto pel ríu como pela mar. Ente los sieglos XVI y XVII tevo llugar una galerna esceicional qu'acabó con tola flota pesquera de Pimiango, afogando a los sos tripulantes. Los sobrevivientes, cuasi toos muyeres, fixeron la promesa de nun tornar pescar na mar. En delantre, l'oficiu de zapateru ambulante exercíu polos homes del llugar ocuparía y ayudaría a sostener la economía familiar. Estos zapateros idearon una xíriga, la mansolea, pa nun ser entendíos polos estraños.

Importante pa estos zapateros foi l'abondosa presencia d'algueres pela zona, ya qu'usaben la so corteya pa obtener los taninos colos que curtíen el cueru na fabricación de calzáu.