Pompeya Plotina
From Wikipedia, the free encyclopedia
Remove ads
Pompeya Plotina (en llatín: Pompeia Plotina, m. h. 121-122), esposa de Traxanu, con quien se casó muncho primero del so ascensu al tronu imperial, acompañó por tanto al emperador cuando fixo la so entrada trunfal en Roma. Emperatriz qu'añadió a les virtúes de Traxanu (modestia y nobleza d'espíritu) les suyes propies, pos yera atenta, intelectual y benevolente.[3][4][5][6]
Vivió en perfecta harmonía y entrañable amistá con Marciana (la hermana del emperador) y dambes recibieron del Senáu'l títulu y los honores d'Augusta, alredor del 105 d. C. Nun tuvo descendencia, pero influyó na decisión de Traxanu -poco primero de morrer- d'adoptar como herederu a Adriano, por quien Plotina sentía una gran estimación. Plotina, qu'acompañara al so maríu na so última espedición contra los partos, tornó a Roma con una urna d'oru conteniendo les sos cenices y los imperiales restos fueron depositaos na Columna Trajana. Hacia l'añu 121-122 finó de forma natural, y entós l'emperador Adriano, amás d'alzar una basílica nel so honor cerca de Nemausus, l'actual Nîmes (lo que dio pie a la idea bien tradicional, pero carente de pruebes, de qu'ella yera gala y natural de dicha ciudá) dispunxo que se-y rindieren honores divinos, pasando a ser denomada Diva Plotina y cuntando coles sos propies sacerdotises (flaminica Divae Plotinae).
Remove ads
Enllaces esternos
Referencies
Wikiwand - on
Seamless Wikipedia browsing. On steroids.
Remove ads