Puertu Ricu
From Wikipedia, the free encyclopedia
Remove ads
Puertu Ricu[1] o Puerto Rico[2] (oficialmente en castellán Estado Libre Asociado de Puerto Rico, Borinquén de nome indíxena que foi usáu nes primeres estayes de la conquista[ensin referencies]) ye un estáu llibre asociáu de los Estaos Xuníos, siendo la so capital la ciudá de San Xuan.
.svg)
Ye la más pequeña y la más oriental de les Grandes Antilles y ta asitiada ente l'Océanu Atlánticu al norte y el mar Caribe al sur. Pal oeste, la Canal de la Mona sepáralu de la República Dominicana, y pal este la Canal de les Vírxenes sepáralu de les Islles Vírxenes Americanes.
Remove ads
Política y gobiernu[3]
Organización política
L'actual constitución portorricana, promulgada'l 25 de xunetu de 1952, define a Puertu Ricu como un Estáu Llibre Venceyáu a los Estaos Xuníos. Por ella llimítase l'autonomía de la islla no que cinca a la defensa nacional, l'acuñación de moneda, les rellaciones esteriores y l'alministración de correos y aduanas. El poder executivu exércelu'l gobernador, escoyíu pa cuatro años y que ye aidáu nes sos funciones por un gabinete de secretarios. El poder llexislativu reside nuna asamblea llexislativa bicameral, formada por un Senáu de 27 miembros y una Cámara de Representantes de 51. No que cinca al poder xudicial, el so muérganu cimeru ye'l Tribunal Supremu, formáu por siete maxistraos denomaos pol gobernador. El gobiernu federal d'Estaos Xuníos ta representáu por una corte de distritu y un procurador designaos pol presidente d'Estaos Xuníos. A la Corte Suprema d'esti país pueden ser llevaes, na cabera instancia, les apelaciones feches ante los tribunales portorricanos.
Gobiernu
El gobernador del país ye, dende'l 3 de xineru de 2021, Pedro Pierluisi. El presidente del Senáu ye Thomas Rivera Schatz y el de la Cámara de Representantes Jennifer González.
Partíos políticos y sindicatos
Los partíos políticos más importantes, y los sos principales cabezaleros, son los que vienen darréu:
- Partíu Popular Democráticu (PPD). El so presidente ye Héctor Ferrer.
- Partíu Nuevu Progresista (PNP). El so presidente ye Luis Fortuño.
- Partíu Independentista Portorricanu (PIP). El so presidente ye Rubén Berríos Martínez.
Presidente: Luis Fortuño. • Partido Independentista Puertorriqueño (PIP). Presidente: Rubén Berríos Martínez.
No que cinca a los sindicatos, los siguientes son los que tienen mayor representación nel país:
- Central Portorricana de Trabayadores, presidida por Víctor Villalba Rodríguez.
- Unión Xeneral de Trabayadores, que'l so presidente ye Juan Eliza Colón.
- Federación de Trabayadores de Puertu Ricu (afiliada a l'AFL-CIO). El so presidente ye José Rodríguez Báez.
- Conceyu 95 de Servidores Públicos Xuníos de Puertu Ricu (AFSCME). La so presidenta ye Annette González.
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads