Pukapuka

Pukapuka ye unu de los atolones de coral de les Islles Cook (estáu acomuñáu a Nueva Zelanda). De toles islles habitaes del archipiélagu (600 habitantes en total) ye la más aisllada. Unu de los nomes para Pukapuka ye Islla del Peligru, que nun tien de ser confundida cola Islla Danger del archipiélagu de Chagos nel océanu Índicu y el nome col que foi bautizada la islla polos esploradores españoles, Islla de San Bernardo. Foi nomada asina pel día de 1595 nel que foi columbrada por Álvaro de Mendaña, la festividá de San Bernardo de Claraval.^[1] Pukapuka foi afayáu por navegantes del oeste fai unos 700 años y, de resultes, la so cultura ta muncho más rellacionada cola de Samoa y Tokeláu que col idioma y les costumes de la Polinesia oriental.

Pukapuka
Situación
Tipu	atolón
Parte de	Northern Cook Islands (en)
Asitiáu en	Océanu Pacíficu
Coordenaes	10°53′S 165°51′W
Pukapuka Pukapuka (Océanu Pacíficu)
Datos
Altitú media	11 m
Superficie	5 km²
Población	507 (2006)
Web oficial

Anque les infraestructures tán bien calteníes, los vuelos escontra Pukapuka son raros pos la islla ta muncho más cerca de Samoa que del restu de les Islles Cook. Robert Dean Frisbie inmortalizó la islla na so obra The Island of Desire escrita nos años 1930. En febreru de 2005 Pukapuka y la so vecina Nassau fueron cutíes pol ciclón Percy que causó graves daños a les propiedaes ya infraestructures de les islles. La población llocal fala pukapukano.

Pukapuka ye única ente les 15 islles de les Islles Cook. Dizse que desciende de tan solo 15 polinesios y los sos fíos que sobrevivieron a un tsunami catastróficu fai unos 300 años; más de 400 persones viven agora nesti remotu llugar.^[2]

L'aislamientu de Pukapuka y el peligru pal saléu significaron que foi la postrera de les Islles Cook en ser cristianizada, en 1857, trenta y seis años dempués de que Paheiha y Williams traxeren per primer vegada l'evanxeliu a Aitutaki.