Qeqertarsuaq

localidá en Groenlandia From Wikipedia, the free encyclopedia

Qeqertarsuaqmap
Remove ads

Qeqertarsuaq (danés: Godhavn) ye una ciudá y un puertu na costa sur de Qeqertarsuaq (islla Disko), una islla na costa oeste de Groenlandia. La ciudá ta allugada a 69.25° N 53.58° O. Fundada nel 1773, alministrativamente ye parte del conceyu de Qeqertalik y ye sede d'un campus de la Universidá de Copenhague. Qeqertarsuaq significa 'islla grande' en groenlandés.

Datos rápidos Alministración, Tipu d'entidá ...
Remove ads

Historia

Thumb
Qeqertarsuaq nel sieglu XX.

El pueblu de Qeqertarsuaq foi fundáu pol balleneru Svend Sandgreen nel 1773. La caza de ballenes tevo gran importancia nel pueblu nos sieglos XVIII y XIX. Cazar y pescar siguen siendo les principales ocupaciones de los habitantes de la islla. La mayoría de los habitantes viven nel pueblu principal y unos pocos nel asentamientu de Kangerluk, a unas poques hores con barcu hacia'l noroeste. Ellí ye onde los investigadores atoparon un glaciar 'galopante' nel 1999 que se mueve hasta 100 metros al día.

Atopáronse rastros d'asentamientos d'entre 5.000 y 6.000 años en Qeqertarsuaq. Los colonos foron paleo-esquimales allexándose del sur.

Los primeros balleneros llegaron a Qeqertarsuaq nos sieglos XVII y XVIII; ellí atoparon un llugar pa zarpar apropiáu, que se convirtió na base de la colonia.

Nel 1773, establecióse la colonia de Godhavn ("el bon puertu"), sirviendo como'l puntu más septentrional na aplicación de los derechos daneses de la caza de ballenes na rexón.

Nel 1862, aprobóse una nueva llei sobre conceyos y les llamaes Direiciones introduxéronse en Groenlandia. L'oxetivu principal de la Direición yera l'alministración de los recursos diferenciaos de los propósitos sociales: apoyu a les vildes, los neños desamparaos y otros necesitaos. La Direición tamién funcionaba como un tribunal inferior en casu de, por exemplu, robu. La Direición tamién participó na llucha escontra la propagación del moquiellu, na fundación d'una escuela de kayak pa rapaces y una escola de costura pa moces.

Los Conseyos del Norte y el Sur de Groenlandia foron convocaos a un alcuentru en Godhavn el 3 de mayu de 1940. Una de les consecuencies del alcuentru ye'l fechu de que tola alministración de Groenlandia, hasta entoncies dividida entre Godhavn y Godthåb, concentróse en Godthåb de manera que la era en que Godhavn foi la sede gubernamental de Groenlandia del Norte acabóse. El Xefe de la Oficina d'Alministración foi elimináu nel 1950 cola creación del Conseyu Nacional de Groenlandia. Esto tamién foi l'entamu del desarrollu de Qeqertarsuaq nuna sociedá 'normal' basada na caza y la pesca y nel modernu pueblu de güei en día.

Remove ads

Xeografía

El conceyu de Qeqertarsuaq ye unu de los dos únicos conceyos de Groenlandia que nun ocupen una parte de la islla principal de Groenlandia (l'otru ye Aasiaat). Abarca la islla de Qeqertarsuatsiaq (islla Disko) y dos islles cercanes (principalmente Hareø a 11 km hacia'l noroeste de Qeqertarsuatsiaq, y Qeqertaq na costa suroeste, na boca del fiordu de Disko), con una superficie total de 9.700 km². Tien una población de 839 habitantes (1 xineru 2020)[1][2].

Remove ads

Atraiciones

Munchos de los llanos montes de basaltu que s'atopen per tola islla tan cubiertes con ñeve perpetua. L'área más grande llámase Sermersuaq ("El gran glaciar"). Sermersuaq ta asitiáu bastante llonxe de la costa polo que ye difícil llegar en veranu. Lyngmarksbræen ("El glaciar de Lyngmark") ye muncho más pequeñu que'l Sermersuaq, pero ta cerca del pueblu y pue llegase nunes poques hores de camín. El glaciar cubre cuasi 10 km. Como algo bastante únicu en Groenlandia, ye posible montar en trinéu en Qeqertarsuaq baxo'l sol de medianueche de veranu. Esto ocurre nel xelu interior a una altura d'unos 700 m nel monte Lyngmarksfjeld, detrás del pueblu. Pue caminase a la cima de Lyngmarksfjeld onde puede columbrase los xigantescos iceberes n'Ilulissat, a cuasi 100 quilómetros de distancia.

Referencies

Enllaces esternos

Loading related searches...

Wikiwand - on

Seamless Wikipedia browsing. On steroids.

Remove ads