RU Virginis
From Wikipedia, the free encyclopedia
Remove ads
Coordenaes: 
12h 47m 18.408s, 4° 8′ 41.364″
RU Virginis (RU Vir / HD 111166 / HIP 62401)[7] ye una estrella variable na constelación de Virgu. Alcuéntrase a una incierta distancia ente 2200 y 3000 años lluz del Sistema Solar.[8][9]
RU Virginis afayóse en 1897 por Arthur J. Roy, astrónomu del Observatoriu Dudley, quien publicó una nota sobre una estrella en Virgu que nun apaecía nel Bonner Durchmusterung publicáu mediu sieglu enantes.[10] En 1940 súpose que RU Virginis ye una estrella de carbonu, amosando nel so espectru llinia d'absorción carauterístiques d'esti elementu. La so temperatura superficial ye de namái 2100 K y ye 9600 vegaes más lluminosa que'l Sol. Al igual qu'otres estrelles asemeyaes, pierde masa estelar, a un ritmu de 2,3 × 10 -6 mases solares per añu.[11]
RU Virginis ta catalogada como una estrella variable Mira[7] que'l so rellumu varia ente magnitú aparente +9,0 y +14,2 nun periodu de 433,2 díes.[12] Sicasí, casi darréu dempués del so descubrimientu reparó una marcada enclín descendente de la magnitú media de RU Virginis. Al finales del sieglu XX concluyóse qu'estes variaciones de rellumu al llargu plazu son cícliques.[10]
Anguaño'l comportamientu de RU Virginis ye razonablemente bien entendíu; con un periodu de pulsación de pocu más de 430 díes, entra dientro de les variables Mira de llargu periodu (como R Centauri). Pero lo realmente notable na so curva de lluz ye una modulación de la magnitú media de gran amplitú a bien al llargu plazu. Les variaciones paecen ser cícliques, con un periodu ente 8.000 y 10.000 díes, siendo l'amplitú de dos magnitú. Más estelante ye'l fechu de que les variaciones Mira nun paecen tar rellacionaes colos cambeos na magnitú media, como si tuvieren favorecíos por procesos independientes. Ello suxer que la modulación asocede fora de la estrella y non dientro de la mesma, onde tienen llugar les variaciones pulsacionales. La meyor esplicación paez ser una modulación na opacidá del polvu qu'arrodia la estrella.[13] Si la envoltura de polvu qu'arrodia a la estrella faise más gruesa o más delgada, el rellumu de la estrella va menguar o va aumentar, ensin qu'apenes se reparen cambeos nes variaciones intrínseques de la estrella.
RU Virginis nun ye la única variable Mira que presenta esti comportamientu; n'otres estrelles de carbonu de llargu periodu, incluyendo a V Hydrae, R Leporis, R Fornacis y W Aquilae, reparáronse ocasionales cayíes na lluminosidá.[10]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads