Richard Serra

Richard Serra (2 de payares de 1938, San Francisco – 26 de marzu de 2024, Orient) foi un escultor minimalista d'Estaos Xuníos conocíu por trabayar con grandes pieces d'aceru corten. Estudió lliteratura na Universidá de Berkeley ente 1957 y 1961. Más sero, ente 1961 y 1964, estudió arte na Universidá de Yale. Cuando vivía na costa oeste, manteníase trabayando nuna acerería, actividá qu'influyó nel so trabayu. Tony Serra -unu de los dos hermanos- ye un famosu abogáu en San Francisco.

Richard Serra
Vida
Nacimientu	San Francisco[1], 2 de payares de 1938[2]
Nacionalidá	Estaos Xuníos [3]
Muerte	Orient[4], 26 de marzu de 2024[5] (85 años)
Causa de la muerte	neumonía[4]
Familia
Casáu con	Nancy Graves (1965 – div. 1970)
Estudios
Estudios	Universidá de California en Berkeley Universidá de California en Santa Bárbara 1961) Grau n'Artes Yale 1964) Máster en Bellas Artes (es)
Llingües falaes	inglés[6]
Oficiu
Oficiu	escultor, pintor, dibuxante, productor de televisión, videoartista, artista visual, artista
Participante Documenta 5 (es) Documenta 7 (es) documenta 8 (es)
Llugares de trabayu	París, Florencia, New Haven y Nueva York
Trabayos destacaos	Philibert and Margaret (en) Slat (en) The Hedgehog and the Fox (en) Fulcrum (en)
Premios	ver comendador de les Artes y les Lletres Orde del Méritu de les Ciencies y les Artes Beca Guggenheim [7] Goslarer Kaiserring  (1981) Premio Wilhelm Lehmbruck  (1991) Praemium Imperiale  (1994) [8] Premiu Princesa d'Asturies de les Artes  (2010) [9]
Miembru de	Academia d'Estaos Xuníos de les Artes y les Lletres Academia Europea de Ciencies y Artes Academia de les Artes de Berlín Real Academia de Artes (es) Academia de les Artes y les Ciencies d'Estaos Xuníos Academia de San Lucas (es) The 8th Street Club (en)
Movimientu	Arte procesual (es) [10] Minimalismu[10]
Xéneru artísticu	arte astrauto Videoarte
IMDb	nm0962394

Obra

Fulcrum (1987) de Richard Serra, ye una escultura encargada pa la entrada oeste de la estación de Liverpool Street nel complexu Broadgate. La escultura tien 16,8 m d'altor.

El trabayu más tempranu de Serra yera completamente astractu; fechu de plombu fundío aventao contra la paré d'un estudiu o d'un espaciu de la esposición, yera un claru exemplu del process art. Ye más conocíu poles sos construciones minimalistes de grandes rodiellos y de fueyes d'aceru corten. Munchos d'estos pedazos son autosuficientes y acentúen el pesu y la naturaleza de los materiales. Les sos escultures d'aceru n'esteriores lleven un procesu inicial d'oxidación pero, depués de 8 a 10 años, esti color mantiénse relativamente estable.

Premios

• Orde del Méritu de les Ciencies y les Artes
• Beca Guggenheim
• 1981: Goslarer Kaiserring
• 1991: Premiu Wilhelm Lehmbruck
• 1994: Praemium Imperiale
• 2008: Orde de les Artes y les Lletres d'España.
• 2010: Premiu Príncipe d'Asturies de les Artes.^[11]