Ross 154

Ross 154 (GJ 729)^[6] ye anguaño la octava estrella más próxima al Sistema Solar a una distancia de 9,68 años lluz. De magnitú aparente +10,44, nun ye visible a simple vista y alcuéntrase na constelación de Saxitariu al nordeste de Kaus Borealis (λ Sagittarii).^[7] Afayóse en 1925 pol astrónomu Frank Elmore Ross ya incluyida nel so «Segunda llista de nueves estrelles con movimientu propiu».^[8]

Ross 154
estrella[1]
Descubridor	Frank Elmore Ross
Data de descubrimientu	1925
Datos d'observación
Ascensión reuta (α)	282,45568250325 °[2]
Declinación (δ)	−23,836237102381 °[2]
Distancia a la Tierra	2,9751 pc
Magnitú aparente (V)	10,495 (banda V)
Magnitú absoluta	13,07
Constelación	Saxitariu[3]
Velocidá de rotación	3 km/s[4]
Velocidá radial	−10,631 km/s[4]
Parallax	336,1228 mas[2]
Carauterístiques físiques
Radiu	0,24 Radius solars
Masa	0,17 M☉
Tipu espectral	M3.5Ve[5]
Otros nomes
Ver llista 2MASS J18494929-2350101 (2MASS (en) ) HIP 92403 (Catálogu Hipparcos) IRAS 18467-2353 (IRAS (en) ) GJ 729 (Catálogu Gliese) AAVSO 1843-23 (American Association of Variable Star Observers) 1ES 1846-23.8 (Einstein Slew survey, Version No. 1 (en) ) 1RXS J184948.7-235003 (1RXS (en) ) 2EUVE J1849-23.8 (The second Extreme Ultraviolet Explorer source catalog (en) ) ASAS J184948-2350.0 (All Sky Automated Survey (en) ) CD-23 14742 (Cordoba Durchmusterung (en) ) CSI-23-18467 (Catalog of Stellar Identifications (en) ) EUVE J1849-23.8 (The first Extreme Ultraviolet Explorer source catalog (en) ) GCRV 11260 (General Catalogue of Stellar Radial Velocities (en) ) HIC 92403 (Hipparcos Input Catalogue (en) ) JP11 5165 (JP11 (en) ) JP11 5166 (JP11 (en) ) JP11 5192 (JP11 (en) ) LFT 1437 (Luyten Five-Tenths catalogue (en) ) LHS 3414 (Luyten Half-Second catalogue (en) ) LPM 688 (Luyten Proper-Motion catalogue (en) ) LTT 7462 (Luyten Two-Tenths catalogue (en) ) NLTT 47045 (New Luyten Two-Tenths catalogue (en) ) PLX 4338 (General Catalogue of Trigonometric Stellar Parallaxes (en) ) PLX 4338.00 (General Catalogue of Trigonometric Stellar Parallaxes (en) ) PPM 734465 (PPM Star Catalogue (en) ) TYC 6859-1332-1 (Tycho Catalogue (en) ) UBV M 42977 (Photoelectric catalogue, magnitudes and colors of stars in the UBV and UCBV systems (en) ) UCAC4 331-182994 (Fourth USNO CCD Astrograph Catalog (en) ) V1216 Sgr (General Catalogue of Variable Stars) Zkh 282 (Zhakozhaj (en) ) AC -24 2833-183 (A critical investigation of star catalogues, the methods of their construction and their purpose (en) ) AC -24 2822-183 (A critical investigation of star catalogues, the methods of their construction and their purpose (en) ) Ci 20 1108 (Catalogue of proper motion stars (en) ) [GKL99] 365 (Catalogue and bibliography of the UV Cet-type flare stars and related objects in the solar vicinity (en) ) PM J18498-2350 (Catalogs of proper-motion stars. I. Stars brighter than visual magnitude 15 and with annual proper motion of 1" or more (en) ) WEB 15960 (Vitesses radiales. Catalogue WEB: Wilson Evans Batten. Radial velocities: The Wilson-Evans-Batten catalogue (en) ) Gaia DR2 4075141768785646848 (Gaia Data Release 2 (en) )

Carauterístiques

Como munches otres estrelles cercanes a nós, Ross 154 ye una nana colorada. Tien tipu espectral M3.5V y una temperatura efectivo de 3240 K.^[9] La so masa apenes supón el 17% de la masa solar^[10] ente que'l so radiu equival al 20% del que tien el Sol.^[11] La so lluminosidá bolométrica —en toles llonxitúes d'onda— equival al 0,4% de la lluminosidá solar.^[7] Presenta una bayura relativa d'elementos más pesaos que'l heliu aproximao la metá que nel Sol. La velocidá de rotación relativamente alta de Ross 154 —4 km/s—,^[11] indica que probablemente ye una estrella nueva, con una edá envalorada inferior a 1000 millones d'años.

Estudios recién utilizando'l Telescopiu espacial Hubble y el Telescopiu Hale refuguen la esistencia de planetes xovianos y nanes marrones alredor de Ross 154.^[7] Les estrelles más cercanes a ella son la Estrella de Barnard a 5,41 años lluz, Lacaille 8760 a 7,4 años lluz, y Gliese 674 a 7,7 años lluz. Dientro de 157.000 años, Ross 154 va averar a namái 6,4 años lluz del Sistema Solar.^[12]

Variabilidá

Al ser una estrella acandilante —esperimenta aumentos sópitos de rellumu que se manifiesten en tol espectru electromagnéticu—, Ross 154 tamién ye conocida pol so denominación de variable V1216 Sagittarii. El tiempu mediu que trescurre ente dos llamarades importantes ye d'unos dos díes,^[13]con una medría típica nel so rellumu de 3-4 magnitúes mientres una erupción.^[14] La intensidá de la so campu magnéticu ye de 2,6 ± 0,3 kG. Coles mesmes, ye una fonte de rayos X que la so lluminosidá nesta rexón del espectru ye de 6,0 × 10²⁷ erg/s, modesta pa una nana colorada activa. L'Observatoriu Chandra constató un fuerte fogaral en Ross 154 qu'amontó'l conteo de rayos X nun factor de más de 100.^[15]

Ver tamién

• Llista d'estrelles cercanes a la Tierra