SCR 1138-7721

SCR 1138-7721 (SCR J1138-7721)^[4] ye una estrella de magnitú aparente +14,78. Ta asitiada na constelación austral de Chamaeleon, el camaleón, a 27 minutos d'arcu de la variable YZ Chamaeleontis. Afayóse en 2004 mientres la busca d'estrelles con movimientu propiu alto nel marcu del estudiu superCOSMOS-RECONS (SCR),^[5] polo que nun figura nel Catálogu Luyten Half Second nin nel Catálogu Gliese. Alcuéntrase a 26,7 ± 0,7 años lluz del Sistema Solar.^[6]

SCR 1138-7721
Nana colorada, fonte d'infrarroxos[1] y estrella con movimientu propiu altu[1]
Datos d'observación
Ascensión reuta (α)	174,56989580133 °[2]
Declinación (δ)	−77,36349452469 °[2]
Distancia a la Tierra	8,3854 pc
Magnitú aparente (V)	14,78 (banda V)
Parallax	119,2548 mas[2]
Tipu espectral	M5.0V[3]
Otros nomes
Ver llista 2MASS J11381671-7721484 (2MASS (en) ) Gaia DR2 5224460173763882496 (Gaia Data Release 2 (en) )

SCR 1138-7721 ye una nana colorada de tipu espectral M5V, siendo les sos carauterístiques asemeyaes a les de Gliese 682 o YZ Canis Minoris. Tien una baxa temperatura superficial de 2774 ~ K y la midida del so diámetru angular —0,184 milisegundos d'arcu—^[7] dexa envalorar el so diámetru real, equivalente al 16% del que tien el Sol. Como cabría esperar, la so lluminosidá bolométrica —enerxía emitida en toles llonxitúes d'onda— ye bien baxa, pos apenes supón el 1,4% de la lluminosidá solar.^[7] La rellación masa-lluminosidá pa estrelles de la secuencia principal dexa evaluar de forma averada la so masa, en redol al 18% de la masa solar.