SCR 1845-6357
estrella From Wikipedia, the free encyclopedia
Remove ads
Coordenaes: 
18h 45m 5.251s, -63° 57′ 47.459″
SCR 1845-6357 (2MASS J18450541-6357475) ye una estrella a 12,75 años lluz de distancia de la Tierra na constelación de Pavu. Ye una estrella de rellumu bien débil con magnitú aparente +17,39.[2]
SCR 1845-6357 ye un sistema binariu, que la so componente principal, SCR 1845-6357 A, ye una nana colorada de tipu espectral M8.5V, una de les más tenues y fríes que se conocen con una temperatura efectivo averada de 2600 K. Relluma con una magnitú absoluta de +19,41. Tien una masa d'apenes un 7% de la masa solar[3] y el so metalicidá ye comparable a la del Sol. En 2010 reparóse un notable fogaral de namái 10 minutos de duración qu'en llonxitú d'onda de rayos X multiplicó por 50 el so rellumu habitual.[4]
El so acompañante, SCR 1845-6357 B, ye una nana marrón clasificada como una nana de tipu T5.5 (unu de los tipos más fríos) con una masa ente 40 y 50 vegaes la masa de Xúpiter[5] y una temperatura envalorada de 950 K.[6] Ye aproximao 50 vegaes menos lluminosa que la estrella acompañante y ta dixebrada d'ella 1,17 segundos d'arcu, equivalente a una separación real de 4,5 UA.[7]
Envalórase que'l sistema tien una edá entendida ente 1800 y 3100 millones d'años.[5]
Remove ads
Ver tamién
- Llista d'estrelles cercanes a la Tierra
- Llista de planetes estrasolares
Referencies
Wikiwand - on
Seamless Wikipedia browsing. On steroids.
Remove ads