SW Canis Majoris
From Wikipedia, the free encyclopedia
Remove ads
Coordenaes: 
7h 8m 15.237s, -22° 26′ 25.248″
SW Canis Majoris (SW CMa / HD 54520 / HIP 34431)[6] ye una estrella variable na constelación del Can Mayor. De magnitú aparente media +9,15, alcuéntrase aproximao a 1400 años lluz del Sistema Solar.
SW Canis Majoris ye una estrella binaria que les sos componentes son estrelles blanques de tipu espectral inciertu ente A3 y A8. La componente principal, 35 vegaes más lluminosa que'l Sol, tien una masa de 2,22 mases solares y un radiu 3 vegaes más grande que'l del Sol.[7] La estrella secundaria, col 65% de lluminosidá de la so compañera, tien una temperatura averada de 8000 K. La so masa ye 2,03 vegaes mayor que la del Sol y ye casi dos veces y media más grande qu'ésti.[7] La edá del sistema envalórase en 630 millones d'años.[8]
Dambes estrelles constitúin una binaria eclipsante asemeyada a Algol (β Persei) o a ζ Phoenicis. Cada 10,09199 díes[9] el rellumu de la estrella mengua 0,5 magnitúes cuando tien llugar l'eclís principal, ente que l'eclís secundariu provoca un descensu de rellumu de 0,4 magnitúes.[10] La separación media ente dambes componentes ye de 0,15 UA,[8] siendo la órbita significativamente escéntrica (ε = 0,3179).[11]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads