Saint Paul (Minnesota)
From Wikipedia, the free encyclopedia
Remove ads
Saint Paul ye la capital del estáu de Minnesota, nos Estaos Xuníos. Tamién ye, colos sos 307.695 habitantes (U.S. Census Bureau, 2018), la segunda ciudá más grande del estáu. La ciudá ye la sede alministrativa del condáu de Ramsey, el más pequeñu y más densamente pobláu de Minnesota. La ciudá asiéntase na oriella izquierda, la oriental, del ríu Mississippi na rodiada del llugar aú s'axunta col ríu Minnesota, y ta pegada a Minneapolis, la mayor ciudá del estáu. El conxuntu de les dos, conocíu como les Twin Cities (ciudaes ximielgues), forma'l nucleu del área metropolitana de Minneapolis-St. Paul, que ye la decimosesta mayor del país con alredor de 3,6 millones d'habitantes.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Fundada como puestu comercial y centru de tresportes nuna zona próxima a dellos asentamientos de nativos americanos, la ciudá entamó a medrar de magar foi nombrada capital del Territoriu de Minnesota en 1849. L'asentamientu inicial de la ciudá nomábase Pig's Eye, pol nomatu del dueñu d'un chigre perpopular qu'había nella. Cuando Lucien Galtier, el primer cura católicu de la rexón, llevantó la primer ilesia de la ciudá, consagrada a San Pablu, fizo fuercia, y consiguió, pa que'l llugar tomara oficialmente esi nome, porque «San Pablu ye un nome afayaízu pa ponéilu a una ciudá o un pueblu: el nome ye cortu, suena bien y ye entendible por toles ilesies cristianes»[2].
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads