Salix caprea
especie de planta From Wikipedia, the free encyclopedia
Remove ads
La salguera[1] (Salix caprea) ye un pequeñu árbol de fronda natural d'Europa y Asia central y occidental.[2]
Remove ads
Descripción
Ye un arbustu o pequeñu árbol de fueya caduca, d'hasta 6-12 m, raramente 20 m. Les fueyes tienen 3-12 cm de llargu y 2-8 cm d'anchu, más anches que na mayoría de los sauces. Les flores son sedoses y nidies, plateaes, amentos de 3-7 cm de llargu, que se producen a principios de la primavera, primero qu'apaezan les nueves fueyes; los amentos tán en plantes distintes (dioicamente). Los amentos masculinos maduros son mariellos cuando lliberen el polen, los amentos femeninos maurecen en verde claru. El frutu ye una pequeña cápsula de 5-10 mm de llongura que contién numberoses granes bien pequeñes, d'alredor de 0,2 mm, con moñu algodonosu. Les granes riquen suelu estenu para granar.[2][3]
El nome científicu y el vulgar, probablemente deriven de la primer ilustración conocida de la especie nel yerbariu de Hieronymus Bock que data del añu 1546, nel que s'amuesa la planta comida por una cabra. La especie foi usada tamién históricamente como forraxe pa les cabres, que ye a lo que puede referise la ilustración de Bock.[4]
Remove ads
Taxonomía
Salix caprea describióse por Carlos Linneo y espublizóse en Species Plantarum 2: 1020–1021, nel añu 1753.[5]
- Variedaes
Hai dos variedaes:[2]
- Salix caprea var. caprea. Rexones baxes por tola zona de distribución. Pilosidá fina percima de les fueyes ya intensa nel viesu; estípules persistentes hasta la seronda.
- Salix caprea var. sphacelata (Sm.) Wahlenb. (ensin. S. caprea var. coaetanea Hartm.; S. coaetanea (Hartm.) Floderus). Mayor altitú nos montes del centru y del norte d'Europa (Alpes, Cárpatos, Escocia, Escandinavia). Fueyes densamente pilosas per dambos llaos, 3-7 cm de llargu; les estípules caduquen llueu.
Salix: nome xenéricu llatín pa la salguera, les sos cañes y madera.[6]
caprea: epítetu llatín que significa "de les cabres, cabrunu"
- Salix bakko KIMURA
- Salix coaetanea Flod.
- Salix hultenii Flod.[7]
Remove ads
Nome común
- Salguera, salgueru, blimal, sanciu.[8]
Ver tamién
Referencies
Bibliografía
Enllaces esternos
Wikiwand - on
Seamless Wikipedia browsing. On steroids.
Remove ads