Sames

Sames^[2] ye un llugar de la parroquia de Mian, nel conceyu asturianu d'Amieva, del que ye la capital.

Sames
Alministración
País	España
Autonomía	Principáu d'Asturies
Provincia	provincia d'Asturies
Conceyu	Amieva
Parroquia	Mian
Partíu xudicial	Cangues d'Onís
Tipu d'entidá	llugar
Nome oficial	Sames (ast)[1]
Xeografía
Coordenaes	43°16′16″N 5°07′44″W
Sames Sames (Asturies)
Altitú	223 m
Demografía
Población	62 hab. (2023)
Porcentaxe	25.51% de Mian
Más información
Estaya horaria	UTC+01:00

Tien una población^[3] de 62 habitantes (2023), y alcuéntrase na lladera oeste de la sierra d'Amieva, na marxe drecha del ríu Sella. Asitiáu a una altitú media de 220 msnm^[4], accédese a él per aciu d'una carretera que parte de Precendi. Ta a 82 quilómetros d'Uviéu^[5], la capital del país.

Sames tien visto cómo la so influyencia amenorgaba dende la construcción de la N-625, que favoreció a los pueblos de Precendi y Santiyán, onde tán anguaño los más de los servicios del conceyu.

Les principales fiestes de la llocalidá celébrense'l 13 de xunu, San Antonio, y el primer sábadu de xunetu, La Santina.

A los habitantes de Sames conócese-yos tanto pol xentiliciu de peludos como pol de meluyos.

Arte

Rescampla la ilesia de Santa María de Mian, l'edificiu relixosu más antiguu del conceyu que se conserva güei asitiáu a un quilómetru del pueblu.