Santa Llucía
From Wikipedia, the free encyclopedia
Remove ads
Santa Llucía[11] (oficialmente n'inglés Saint Lucia) ye un pequeñu país allugáu al norte de San Vicente y Les Granadines y al sur de la islla de la Martinica, nel mar Caribe. Ye miembru de la Comunidá del Caribe, de la Organización d'Estaos Americanos y de la Mancomunidá Británica de Naciones.
.svg)
Remove ads
Historia
Los primeros pobladores indíxenes llegaron de Sudamérica alredeor del sieglu III pero col tiempu fueron asimilaos pola tribu de los caribes. Como'l so puertu en Castries taba mui bien asitiáu los británicos y los franceses tuvieron disputándose la islla ente los sieglos XVI y XVII. Al final fueron los británicos los que se quedaron con ella nel añu 1814. En 1967 la corona británica dio-y a la islla mayor autonomía p'alministrar asuntos internos y finalmente'l 22 de febreru de 1979 concedio-y la independencia.
Remove ads
Xeografía
Saint Lucia ye una islla volcánica con 158 quilómetros de costa. El so puntu más altu ye'l Monte Gimie que tien 950 metros sobre'l nivel del mar, pero los montes más famosos son los montes Pitons, que sirvieron d'insparación pal diseñu de la so bandera nacional. La ciudá más grande ye la capital, Castries, onde vive más d'un terciu de la población. Otres ciudaes importantes son Soufriere, onde hai algunos manantiales y emanaciones sulfuroses del volcán Qualibou y Vieux Fort, onde s'alcuentra l'aeropuertu internacional. El clima ye tropical y la temporada de les lluvies entama en mayu y acaba n'agostu. Anque esisten dellos problemes de deforestación y erosión al norte de la islla, el principal problema que tien son los furacanes qu'asolen tolos años les islles del Mar Caribe.
Remove ads
Demografía
Habiten na islla unes 162.000 persones, de les cuales un 90% son de raza negra, el 9% mulatos y el 1% blancos. El 90% de la población ye católica y casi'l 33% del total nun sabe lleer nin escribir. La edá permediu son 24 años y la esperanza de vida ye de 73 años.
Organización político-alministrativa
Santa Llucía divídese en once rexones alministratives:
- Anse La Raye
- Castries (capital)
- Choiseul
- Dauphin
- Dennery
- Gros Islet
- Laborie
- Micoud
- Praslin
- Soufriere
- Vieux Fort
Referencies
Enllaces esternos
Wikiwand - on
Seamless Wikipedia browsing. On steroids.
Remove ads