Scarlett Johansson
actriz, cantante y modelu estauxunidense From Wikipedia, the free encyclopedia
Remove ads
Scarlett Ingrid Johansson (22 de payares de 1984, Manhattan) ye una actriz d'Estaos Xuníos. Empezó a amosar intereses pola música y l'actuación dende temprana edá, y a lo llargo de la so infancia y adolescencia formóse en dellos institutos como actriz. En teniendo dellos papeles secundarios en distintes producciones, llogró'l so primer protagónicu a los once años cola película Manny & Lo (1996), a la que depués-y siguieron The Horse Whisperer (1998) y Ghost World (2001), actuaciones que-y valieron l'aponderamientu de la crítica.
Johansson nació na ciudá de Nueva York. El so padre, Karsten Johansson, ye un arquiteutu danés orixinariu de Copenḥague (Dinamarca), y el so güelu paternu, Ejner Johansson, foi un guionista y direutor cinematográficu que'l so padre yera suecu. La so madre, Melanie Sloan, una productora, provién d'una familia d'orixe xudíu asquenazí del Bronx. Los ancestros de Sloan emigraron a Nueva York dende Minsk, Imperiu rusu. L'actriz tien una hermana mayor llamada Vanessa, que tamién ye actriz, un hermanu llamáu Adrian, un hermanu mellizu llamáu Hunter (qu'apaeció con ella na película Manny & Lo); y un mediohermanu mayor, Christian, del primer matrimoniu del so padre.
Creció nun llar con «pocu dineru», y con una madre que yera una «cinéfila». Ella y el so hermanu mellizu asistieron a la escuela primaria nel barriu de clase media-alta de Greenwich Village, en Manhattan. Johansson empezó la so formación teatral asistiendo y graduándose de la Professional Children's School en Manhattan nel añu 2002.
Remove ads
Filmografía
 |
Conseña película qu'aínda nun s'estrenó (na data d'espublización d'esti artículu, 7/8/21) |
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads