Schedar
From Wikipedia, the free encyclopedia
Remove ads
Coordenaes: 
0h 40m 30.441s, 56° 32′ 14.392″
Schedar o Schedir ye'l nome de la estrella α Cassiopeiae (α Cass / 18 Cassiopeiae), de magnitú aparente +2,24 y la más brillosa de la constelación de Cassiopeia. El so nome, escritu tamién como Shedar o Shedir, provién de la pallabra árabe صدر şadr, «pechu», pola posición que tien nel corazón de la reina Cassiopeia.
Remove ads
Carauterístiques
Schedar ye una estrella xigante naranxa de tipu espectral K0IIIa[10] y 4530 K de temperatura que s'atopa a 229 años lluz de distancia del Sistema Solar. La so lluminosidá, en lluz visible namái, ye de 500 soles; sicasí, considerando la radiación total emitida, la so lluminosidá xube a 855 vegaes la lluminosidá solar, asitiando a Schedar dientro de la clase de les xigantes lluminoses.[11] Ye una de les poques estrelles onde se reparó direutamente la so escurecimientu de llimbu, con un valor midíu del so diámetru angular de 0,00525 segundos d'arcu. El so radiu ye 42 vegaes el radiu solar y tien una masa averada de 4 - 5 mases solares. La so composición química ye similar a la del Sol, magar amuesa unos conteníos notablemente baxos de dellos elementos como circoniu y europiu. La so edá envalórase ente 100 y 200 millones d'años.[11]
Anque tradicionalmente Schedar taba clasificada como una estrella variable, dende'l sieglu XIX nun se detectó nengún tipu de variación nel so rellumu.
Referencies
Ver tamién
Wikiwand - on
Seamless Wikipedia browsing. On steroids.
Remove ads