Scomberesox saurus
especie de pexe From Wikipedia, the free encyclopedia
Remove ads
L'alpabarda[1], aguya[2], pabarda[3] o potacarra[4] (Scomberesox saurus) ye una especie de pexe beloniforme de la familia Scomberesocidae.[5]
Remove ads
Descripción
Tien el cuerpu allargáu, colos quexales llargos y finos y dientes pequeños.[6] Tantu l'aleta dorsal como l'anal atópense asitiaes na parte posterior del cuerpu, y detrás presenta espines pequeñes.[7] L'aleta caudal tien forma aforquetada, con llóbulos de tamañu desigual.[7] La coloración dorsal ye olivácea o azulada, cola zona ventral con rellumu plateáu o doráu.[6] El llargor máximu rexistráu ye de 50 cm nos machos adultos.[8]
Remove ads
Nome común
Esta especie ye conocida nel dominiu llingüísticu asturlleonés colos siguientes nomes comunes: alpabarda[1], aguya[2], pabarda[3] y potacarra[4].
Distribución
Ye un pexe marín propiu del océanu Árticu y l'Atlánticu Norte, atopándose nes mariñes d'Islandia, Noruega, Dinamarca, Islles Britániques, nel mar Bálticu y el Mediterraneu, y Marruecos, según nel golfu de San Llorienzo, Canadá hasta Carolina del Norte ya islles Bermudes.[8]
Comportamientu
Ye un pexe gregariu y peláxico que s'atopa davezu cerca de la superficie de l'agua.[6] Cuando s'atopa en peligru y ye escorríu por otros pexes da reblincones fuera de l'agua.[8]
L'esgüeve tien llugar n'alta mar a principios del branu.[6] Los güevos son peláxicos, miden unos 2 mm. y tienen ríxidos y finos filamentos.[7]
La so alimentación faila a base de güevos de pexes, pexes pequeños y zooplancton.[8]
Remove ads
Subespecies
Reconócense les siguientes subespecies:[5]
- Scomberesox saurus saurus (Walbaum, 1792)
- Scomberesox saurus scombroides Richardson, 1843
Referencies
Enllaces esternos
Wikiwand - on
Seamless Wikipedia browsing. On steroids.
Remove ads