Scorpaena scrofa

El tiñosu^[1], obispu^[2] o cabrachu^[3] (Scorpaena scrofa) ye un pexe de la familia de los escorpénidos de color coloráu y cubiertu d'espines. El so pesu puede llegar hasta casi los 3 kg pero son raros los exemplares de más de 1,5-2 kg. Especie demersal sobre fondos roca, de fango y algues, de 0 a 370 metros (sobretoo de 20 a 100 m). Aliméntase de pexes pequeños, crustáceos y moluscos. La reproducción tien llugar de mayu a agostu.

Scorpaena scrofa tiñosu
Clasificación científica
Superreinu:	Eukaryota
Reinu:	Animalia
Subreinu:	Eumetazoa
Superfilu:	Deuterostomia
Filu:	Chordata
Clas:	Actinopterygii
Orde:	Scorpaeniformes
Familia:	Scorpaenidae
Xéneru:	Scorpaena
Especie:	S. scrofa Linnaeus, 1758
Consultes
[editar datos en Wikidata]

Alcuéntrase en tol Mediterraneu, sacante nel mar Negru y nel Atlánticu Oriental, dende les Islles britániques hasta Senegal.

Péscase, principalmente, con llinies de mano, tresmallos, palangres de fondu y al arrastre.

La estadística pesquera d'Asturies^[4] da los valores que vienen darréu relativos a les captures y ventes de tiñosu rulaos nel Principáu:

Estadística de la pesca de tiñosu n'Asturies

Añu	Pesu	Importe	Preciu mediu
2004	14.674,45 Kg	102.792,64 €	7,00 €/Kg
2005	28.454,08 Kg	215.365,78 €	7,57 €/Kg
2006	28.468,23 Kg	216.658,20 €	7,61 €/Kg
2007	16.655,66 Kg	149.946,36 €	9,00 €/Kg
2008	32.829,35 Kg	222.489,71 €	6,78 €/Kg
2009	20.026,62 Kg	160.610,77 €	8,02 €/Kg
2010	43.851,29 Kg	301.441,25 €	6,87 €/Kg
2011	20.729,95 Kg	162.219,42 €	7,83 €/Kg
2012	23.198,80 Kg	187.688,61 €	8,09 €/Kg

Ver tamién

• Scorpaena porcus, pexe tamién llamáu tiñosu.