Semiexe mayor

En matemátiques, el semiexe mayor d'una elipse ye la metá del diámetru más llargu; el so símbolu ye a. N'astronomía, ye la distancia media d'un oxetu qu'orbita alredor d'otru.

Parámetros d'una elipse. El semiexe mayor ta representau equí por a

El semiexe mayor ye una de les carauterístiques más importantes d'una órbita, xunto col so periodu orbital. Pue ser matemáticamente probáu que pa un cuerpu orbitando, el semiexe mayor representa la distancia media del cuerpu a la fonte central gravitacional. Pa los oxetos del Sistema Solar, el semiexe mayor ta rellacionáu col periodu de la órbita pola tercera llei de Kepler, orixinalmente descrita como:

${\displaystyle P^{2}=a^{3}\,}$

Onde P ye'l periodu midíu n'años y a ye'l semiexe mayor midíu n'unidaes astronómiques.

Esta fórmula foi modificada por Newton al desendolcar la so teoría gravitatoria, espresándola como:

${\displaystyle P^{2}={\frac {4\pi ^{2}}{G(M+m)}}a^{3}}$

Onde G ye la Constante de gravitación universal, M ye la masa del cuerpu central y m ye la masa de cuerpu orbitando.