Sievierodonetsk

Sievierodonetsk o Siverskodonetsk (ucraín: Сіверськодонецьк) ye una ciudá del óblast de Lugansk, n'Ucraína, asitiada a veres de ríu Donéts, que'l so nome toma.

Sievierodonetsk
flag of Siverskodonetsk (en) coat of arms of Siverskodonetsk (en)
Alministración
País	Ucraína
Oblast	Oblast de Lugansk
Raion	Siverskodonetsk Raion (en)
Hromada (en)	Sievierodonetsk urban hromada (en)
Tipu d'entidá	ciudá d'Ucraína
Nome oficial	Сіверськодонецьк (uk)
Nome llocal	Сіверськодонецьк (uk) Сєвєродонецьк (uk)
Códigu postal	93400–93480
Xeografía
Coordenaes	48°56′53″N 38°29′36″E
Sievierodonetsk Sievierodonetsk (Ucraína)
Superficie	42.1 km²
Altitú	51 m
Demografía
Población	40 000 hab. (2024)
Porcentaxe	100% de Sievierodonetsk urban hromada (en)
Densidá	950,12 hab/km²
Más información
Fundación	29 abril 1934
Prefixu telefónicu	6452
Estaya horaria	UTC+02:00 (horariu estándar) UTC+03:00 (horariu de branu) Hora d'Europa Oriental
Llocalidaes hermaniaes	Jelenia Góra, Ceadîr-Lunga, Serpukhov, Rivne y Shajty
sed-rada.gov.ua

Historia

Foi fundada en 1934, como asentamientu en redol a una planta de fertilizantes. Enantes conocíase como Liskhimstroy, pero a partir del 27 de xineru de 1950 tomó'l so nome actual. En 1951 reconocióse-y la categoría de ciudá. Por cuenta de la guerra civil nel este d'Ucraína, onde los separatistes controlen la ciudá de Lugansk, la capital del óblast foi reasitiada pol gobiernu ucraín temporalmente en Sievierodonetsk.

Demografía

La evolución de la población ente 1939 y 2013 foi la siguiente:

Evolución demográfica de Sievierodonetsk

1939	1959	1970	1979	1989	2001	2013
5,240	33,180	90,036	113,041	131,376	119,940	109,466
(Fonte: [1][2][3])

Nel censu de 2001, el 69,85% de la población declaró que la so llingua materna ye'l rusu y el 29,19% l'ucraín.^[4]

Economía

Ye un importante centru industrial, col 22,18% de la producción industrial del óblast. La principal fonte d'ingresos de la ciudá provién de la industria químico y cuenta con 32 grandes empreses industriales y 1.200 empreses privaes que sirven a la industria.^[5] Destáquense la fábrica química Azot y la de vidriu Impulse.