Silabariu chipro-minoicu

El silabariu chipro-minoicu (embrivíu CM), o Llinial C, ye un sistema d'escritura silábico non descifrada, emplegada na isla de Xipre escontra finales de la Edá del Bronce (c. 1550-1050 e. C.) El términu «chipro-minoicu» foi acuñáu por Sir Arthur John Evans en 1909 por cuenta de la so semeyanza col Llinial A de la Creta minoica, pos, na so opinión, del cual provendría'l silabariu chipro-minoicu. Atopáronse unos 250 oxetos con inscripciones chipro-minoiques: tablillas de magre, soportes pa veles votivas, cilindros y boles de magre. Los afayos tuvieron llugar n'escavación arqueolóxica|escavaciones de delles paraxes de Xipre, y tamién na antigua ciudá d'Ugarit, na mariña siria.

Silabariu chipro-minoicu

Tipos	sistema de escritura no descifrado (es) , alfabetu de caxa única, silabariu y sistema d'escritura natural
Llingües	Idioma eteoxipriota
Dates	1550 edC
Basáu en	lineal A (es)
ISO 15924	Cpmn (402)
Direición del testu	d'izquierda a derecha

Tablilla chipro-minoica d'Enkomi (Muséu del Louvre.

Les inscripciones fueron clasificaes por Emilia Masson en cuatro grupos íntimamente rellacionaos:^[1] el CM arcaicu, el CM 1 (tamién conocíu col nome de Llinial C), el CM 2 y el CM 3, magar hai eruditos que diverxen de dicha clasificación.^[2] Apenes se sabe sobre l'orixe d'esta escritura, o en qué tipu de llingua escribíase. Sicasí, el so usu siguíu hasta l'empiezu de la Edá del Fierro ta atestiguáu, faciendo d'enllaz col silabariu chipriota, que se llee como'l griegu y polo tanto foi descifráu.